Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> تاریخ دے پنے >> مشرقی بنگال تے کھبے پکھ وچ پاڑ

مشرقی بنگال تے کھبے پکھ وچ پاڑ

December 17th, 2016

مشرقی پاکستان وچ یحییٰ خان دے فوجی آپریشن تو بہت پہلاں ایہہ بحث شروع ہو چکی سی جو مسلمان بنگالیاں دی وکھیویں دی تحریک تے کھبے پاسے نوں کیہہ پینترا لینا چاہیدا ہے۔ اصل وچ مشرقی بنگال دے مسئلے توں پہلاں ۱۹۷۰ دیاں چوناں بارے وی کھبے پکھ دیاں پارٹیاں تے گروپاں وچکار چوکھا پاڑ سی۔ روسی دھڑے والے ذوالفقار علی بھٹو دی پیپلز پارٹی دے بہت حق وچ نہیں سن۔ پنجاب تے خاص کرکے لاہور وچ نویں ابھردے کھبے پاسے دے اندر وی پیپلز پارٹی بارے چوکھا پاڑ سی۔ نویں ابھردے کھبے پاسے توں ساڈا مطلب نیشنلسٹ سٹوڈنٹس آرگنائزیشن (این ایس او) تے اوہناں دے پچھے پروفیسر عزیز الدین تے عزیزالحق دے گروپ سن۔ پیپلز پارٹی تے پاڑ کھل کے سامنے تے نہ آیا پر اندرو اندری عزیز الدین پیپلز پارٹی توں وکھ کھلوون دے حق وچ سن تے عزیز الحق پوری طرحاں پیپلز پارٹی دی تحریک وچ کم کرن دے حق وچ سن۔ ایس پچھوکڑ وچ جدوں ایہہ مسئلہ این ایس او وچ چکیا گیا تے فیصلہ ہویا جو تنظیمی پدھر تے کوئی باندھ نہیں ہے: ہر ممبر اپنے وچار موجب پیپلز پارٹی دی تحریک نال رلتی ہو سکدا ہے یا وکھرا کھلو سکدا ہے۔
این ایس او دے اندر وڈا پاڑ اودوں پیا جدوں یحییٰ خان نے مشرقی پاکستان وچ فوجی اپریشن شروع کردتا۔ ایس مسئلے تے عزیز الدین تے عزیز الحق وچکا وڈا پواڑا کھڑا ہو گیا۔ عزیز الدین دا وچار سی جو مجیب الرحمان دے اگوائی ہیٹھ چلن والی وکھیویں دی تحریک دی لیڈڑشپ بورژوازی طبقیاں دے ہتھ وچ ہے ایس کرکے ایس تحریک دی مخالفت کیتی جانی چاہیدی ہے۔ عزیز الحق دا کہنا سی جو ہر قومیت نوں خود مختاری تے وکھیویں دا حق ہے۔ تے غالب قومیت (پنجابی) دے اگے ودھو یا پروگریسو دھڑیاں دا ایہہ فرض ہے جو اوہ مظلوم قومیت (بنگالی) دے نال کھڑے ہوون۔
ایس مسئلے تے اخیری اکٹھ پروفیسر اعجاز الحسن دے گھر ہویا۔ ایہہ دوہاں عزیزاں وچکار مذہبی ڈھنگ دا مناظرہ سی۔ دوہیں پاسے کتاباں دا ڈھیر لے کے آئے ہوئے سن تے دوہیں مارکس تے لینن دیاں لکھتاں دے حوالے دے دے کے اپنی اپنی وچار دھارا نوں سچا ثابت کرن لئی زور لا رہے سن۔ ایہہ وی چیتے رہوے جو دوہیں عزیز چینی پکھ دے سن : عزیز الحق وی کٹر چینی پکھ دے حامی سن پر بنگال تے قومیتاں دے مسئلے تے عزیز الحق چینی دھڑیاں توں وکھرے وچار رکھاوندے سن۔دوہیں دھڑے ایہہ منندے سن جو ایہہ مڈھلا پاڑ ہے تے ایس تے کوئی وچلا راہ نہیں لبھیا جا سکدا۔ ایس اکٹھ وچ دوہاں دھڑیاں وچکار کوئی فیصلہ نہ ہو سکیاتے عزیز الحق دا حامی گروپ (جیہدے وچ میں وی شامل ساں) این ایس او توں وکھرا ہو گیا۔بعد وچ این ایس او توں وکھرے ہوون والے گروپ نےعزیز الحق نال مل کے ینگ پیپلز فرنٹ بنایا۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels