Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> تاریخ دے پنے >> ہِندوستان وِچ مردشاہی دی وار7---

ہِندوستان وِچ مردشاہی دی وار7---

Jaspal Singh
September 24th, 2014


ورنسنکر اَتے ناجائز اولاد

مردشاہی دے پَیروکاراں نے مردشاہی نوں تھوپن اَتے پکّا کرن لئی کئی طرحاں دے سنکلپاں اَتے تصوراں نوں جن دتا۔ ورنسنکر وی ایہو جیہا اِک سنکلپ اَتے تصورسی۔ ورنسنکر دا الفاظی مطلب ہے رنگاں دا مِشرن جاں رنگا دا رلنا ۔

پر ذات پات دے سماج دے اُبھرن دے بعد ورنسنکر دا مطلب ذاتاں دا رلتی ہونا جاں ذاتاں دا اِک دوجے نال ملنا۔ ورنسنکر نوں اِک بہُت ہی وڈّا پاپ اَتے بھَیڑ دسّیا گیا، ذاتاں دی شُدھتا لئی اَتے خاص طور تے اُچیاں ذاتاں دی شُدھتا اَتے پوترتا قائم رکھن لئی ایہہ بہُت ضروری سی کہ عورت دے جِسم تے کنٹرول اَتے پابندی لئی جاوے

مردشاہی اَتے ذات پات دے نظام نوں قائم رکھن لئی اِس لئی ایہہ بہُت ضروری بن گیا کہ عورت دے جِسم اَتے دِماغ دے کنٹرول اَتے پابندیاں لائیاں جان دا کیہا گیا کہ جے عورتاں اپنی ذات دے علاوہ کِسے ہور ذات دے مرد نال سنبھوگ کرن گیاں تاں سارے دے سارے ہی سماج دا ستیاناس ہو جاوے گا اَتے ہر شَے ننیست و نابود ہو جاوےگی۔ اس لئی ورنسنکر جاں ذاتاں دی رلت نوں ساریاں نالوں وڈّا خطرہ دسّیا ۔ بھگوت گیتا وِچ کیہا گیا ہے:

دوشیر ایتَیہ کُلاگھنانام ورنسنکر کرکَیہ
اُٹسادینتے جاتیدھرماہ کُلادھرماس چ شاسوتاہ

ورنسنکر جیہے دوش نال پریواراں دا ناس ہو جاندا ہے اَتے مُڈّھ قدیم توں چلدے آ رہے ذات پات دے نظام وی نشٹ ہو جاندے ۔

ادھرمابھِبھاوات کرِشنا پردُشینتی کُلاہاستیاہ
اِستریشُ دُشٹاشُ وارشنیا جایتے ورنسنکراہ

بہُت وڈّا ادھرم اَتے انرتھ ہو جاندا ہے جدوں پریوار دِیاں اِستریاں پردُشت ہو جاندیاں۔ ایہو جیہیاں دُشٹ اَتے بُری عورتاں کرکے ورنسنکر ہو جاندا ۔

سنکرو نرکَیوا کُلاگھنانام کُلسیا چ
پتنتی پِترو ہی ایشام لُپتپِڈّوداک کرِیا

اِس پردُشن نال نرک لازمی ہے اَتے پریواراں دا گھان اَتے ناس ہو جاندا۔پُرکھاں نوں چڑھاوے ختم ہو جاندے ہَن

اُٹسناکُلادھرمانام منُشیانام جناردنا
نرکے نیاتام واسو بھوتیتِ انُسُرشرما

کُل دھرم دا ناس کرن نال انسان ہمیشہ لئی ہی نرک وِچ وسدا ایہہ واک پُراتن کال توں سُنن وِچ آؤندا۔

ہورناں دھرم شاستراں اَتے گرنتھاں وِچ وی عورتاں دے پردُشن دِیاں سزاواں دسّیاں گئیاں۔شری مد بھاگوتم وِچ کیہا گیا ہے:

کوئی وی مرد جاں عورت جو ایہو جیہا سنبھوگ کردے ہَن اوہناں نوں یمراج موت دے بعد تپتسُرمی دی سزا نرک وِچ دیندا ہے۔ مرد نوں عورت دے روپ وِچ اِک لال گرم لوہے دی مورت نوں جپھی پاؤنی پیندی ہے اَتے عورت نوں وی مرد دی مورت وِچ لال لوہے دی شکل نوں گل لاؤنا پینداہے ۔ایہو جہے سنبھوگ دی ایہہ سزا ہے۔

دھرمشاستراں مطابق ایہہ راجیاں دا فرض سی کہ اوہ ورنسنکر نہ ہون دین اَتے ذاتاں دی شُدھتا نوں قائم کرن۔ ورنسنکر جاں عورتاں دے پردُشن لئی بھینکر سزاواں دسّیاں گایاندمنو سمریتی وِچ دو طرحاں دے ورنسنکر دسّے گئے ہَن-انُلوم تے پرتیلوم اَتے کیہا گیا کہ ایہہ دوہیں ورنسنکر سماج لئی بھَیڑے ہن۔ انُلوم اوہ ہے جدوں کہ اِک اُچی ذات دا بندہ اِک نیچی ذات دی عورت نال سنبھوگ کردا ہے اَتے پرتیلوم اوہ ہے جدوں کہ اِک نیچی ذات والا مرد اِک اُچی ذات دی عورت نال سنبھوگ کردا ہے۔ منوسمریتی وِچ ایہو جیہے میل توں پیدا ہوئی اولاد بارے وی بہُت وِستار وِچ دسّیا گیا ہے۔

ورنسنکر اَتے پُنشچلی عورت دے سنکلپ دے نال ہی مردشاہی نے اِک ہور سنکلپ قائم کیتا اوہ سی ناجائز جاں حرام دی اؤلاد۔ جِس اولاد اَتے بچّے دے باپ دا پکّا پتہ ناں ہووے جاں جس اولاد نوں کوئی مرد ناں قبول کرے اولاد نوں جائز اَتے حرام دی ونڈ کے مردشاہی آپنی سرداری اَتے جائداد دی وِراثت آپنے حِساب نال پکّی کرن وِچ کامیاب سی۔ ناجائز جاں حرام دی اولاد دا باپ دی جائداد تے کوئی حق نہیں ۔

مہابھارت اَتے ہورناں گرنتھاں وِچ اِس ناجائز اَتے حرام دی اولاد دا سماج وِچ کوئی ستھان نہیں۔ کُنتی کرن نوں جمّدے ہی دریا وِچ چھڈّ دیندی ہے۔ ایسے طرحاں کئی ہور مالاں سانوں مِلدیاں ہَن جِنہاں وِچ ایہہ صاف ہے کہ جس اولاد دے باپ دا پکّا پتہ نہیں جاں اُوس دا باپ اُوس نوں آپنا نہیں منّدا اُوس لئی سبھیا سماج وِچ تھاں نہیں۔
اِستری راج دے کِسے وی ذِکر وِچ اَتے اَجّ تیک چلّ رہیاں اِستری پردھان سماجاں وِچ جوسیں کہ آسام اَتے اُتّر دکھّن وِچ اجّے وی ہے اوہناں لوکاں وِچ سانوں ناجائز جاں حرام دی اولاد دا کوئی سنکلپ جاں تصور نہیں۔ ایہہ سنکلپ اَتے تصور مردشاہی دی ہی دین ہے۔ استری راج اَتے اِستری پردھان سماج وِچ ہریک بچّہ جائز ہے اُوس وِچ کِسے وی بچّے دے ناجائز ہون دا سوال ہی نہیں اُٹھدا۔ ماں توں ہی اگّے نسل چلدی سی اَتے ماں دا ہی ناں نیانیاں نوں دِتّا جاندا سی۔ پِیو دے ناں دی اوہناں نوں کوئی لوڑ نہیں ۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels