Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> تاریخ دے پنے >> گنج شہیداں...... 1965ء دے شہیداں دی یادگار

گنج شہیداں...... 1965ء دے شہیداں دی یادگار

اقبال قیصر
February 1st, 2014


للیانی قصبے دے دو وڈے قبرستاناں وچوں اِک قبرستان نوں گنج شہیداں دا نام دِتا گیا اے دُوجے قبرستان دا نام بابا مٹھو شاہ قبرستان اے۔ ایس قبرستان نوں گنج شہید ایس واسطے آکھیا جاندا اے کہ ایس تھاں 1965ء دی بھارت پاکستان جنگ دے 55 شہید اپنیاں اخیری ارام گاہواں وچ سُتے ہوئے ہن۔ ایہناں شہیداں کارن ای ایس دا نام گنج شہیداں ہویا۔ فارسی وچ ’’گنج‘‘ خزانے نوں آکھیا جاندا اے۔ ایہ سارے شہید قصور، کھیم کرن دے محاذ دے ہن۔ ایس قبرستان دی اِک نُکر اُتے اِک منارا اُساریا گیا اے جس نوں شامی مینار (شامی بُرج) آکھیا جاندا اے۔ بریگیڈیر احسن رشید شامی ہوراں دی قبر ’’قبرستان شہید‘‘ بیدیاں روڈ اُتے ہے پر اوہناں دی یاد وچ بُرج ایتھے اُساریا گیا ہے۔ ایس تھاں اوہناں دے نام دا بُرج اُسارن دی وجھا ایہ اے کہ اوہ ایہناں 55 شہیداں دے کھیم کرن بارڈر اُتے آگو سن۔ اوہ وی ایسے محاذ اُتے شہید ہوئے سن جس محاذ اُتے ایہناں شہیداں ایس شہیدی باٹے وِچوں گھُٹ بھریا۔(1)
گنج شہیداں اِک چبوترے اُتے اِک سیدھ وچ بنیاں قبراں ہن۔ ایہناں دے دوالے لک جِڈّی اُچی کندھ اے۔ ایس دے اندر وڑن واسطے اِکو اِک بُوہا اے جس دے ساہمنے ایہناں شہیداں دے نام لِکھے ہوئے ہن۔ ایہناں دے ناواں دا ویروا کُجھ انج اے:
1۔ صوبیدار میجر بشیر اسلم شہید (تمغہ جرات) 2۔ صوبیدار محمد حسین شہید 3۔ نائب صوبیدار محمد معین شاہ شہید 4۔ نائب رسالدار محمد افضل خاں شہید 5۔ نائب رسالدار احمد خاں شہید 6۔ نائب رسالدار محمد یوسف شہید 7۔ حوالدار میجر محمد سرور شہید 8۔ حوالدار محمد اقبال شہید 9۔ حوالدار ناظم علی شہید 10۔ نائیک محمد رزاق شہید 11۔ نائیک نواب خاں شہید 12۔ نائیک محمد محبوب شہید 13۔ نائیک محبوب خاں شہید 14۔ نائیک لباس خاں شہید 15۔ لانس نائیک گل آزاد شہید 16۔ لانس نائیک عبدالقیوم شہید 17۔ لانس نائیک میراں بخش شہید 18۔ سپاہی خائستہ گل شہید 19۔ سپاہی محمد آزاد شہید 20۔ سپاہی رضا حسین شہید 21۔ سپاہی محمد ریاض شہید 22۔ سپاہی محمد مسکین شہید 23۔ سپاہی رضا دین شہید 24۔ سپاہی محمد ریاض شہید 25۔ سپاہی اجمل خاں شہید 26۔ سپاہی مہندی خاں شہید 27۔ سپاہی مبارک شاہ شہید 28۔ سپاہی محمد افضل شہید 29۔ سپاہی رحیم شاہ شہید 30۔ سپاہی دولت محمد شہید 31۔ سپاہی منظور الٰہی شہید 32۔ سپاہی بخیر گُل شہید 33۔ سپاہی محمد اسلم شہید 34۔ سپاہی دلاور حسین شہید 35۔ سپاہی عبدالرحمن شہید 36۔ سپاہی محمد عالم شہید 37۔ سپاہی محمد شریف شہید 38۔ سپاہی تاج الحق شہید 39۔ سپاہی عمر دین شہید 40۔ سپاہی محمد بنارس خاں شہید 41۔ سپاہی عدالت خاں شہید 42۔ سپاہی گلزار حسین شہید 43۔ سپاہی محمد اکرم شہید 44۔ سپاہی سوار داد خاں شہید 45۔ کرافٹ مین محمد حنیف شہید 46۔ سپاہی علی بخش شہید 47۔ سپاہی نور محمد شہید 48۔ نائیک گُل مرجان شہید (تمغہ جرات) 49۔ سپاہی دوست محمد شہید 50۔ میجر سلطان اسد جان شہید 51۔ نائیک علی اصغر شہید 52۔ لیفٹیننٹ ندیم احمد خاں شہید 53۔ سپاہی بوستاں خاں شہید 54۔ لانس نائیک محمد خاں شہید 55۔ رینک تے نام پتا نہیں۔(2) ایتھے اِک خالی قبر سی جو شہیداں دی سیوا کرن والے بابے اسماعیل واسطے رکھی گئی سی۔ ہُن ایس قبر اندر اوہناں نُوں دفن کر دِتا گیا اے۔ اس سال 2011ء نوں 6 ستمبر والا ایہ میلہ لوکاں ولوں تاں لگا پر اس وار آرمی ولوں سلامی نہیں دتی گئی۔ پچھلے ورھے 2010ء وچ وی اوہ رونق نہیں سی اتے نہ ہی فوج ولوں اُنج سلامی دا پربندھ کیتا گیا جیویں اِس توں پہلوں ہوندا سی۔ اِنج ایس فوجی قبرستان اندر اِک سِول قبر وی بن چُکی اے جو کئی ورھے اپنے اندر آؤن والے نُوں اُڈیکدی رہی۔
ایتھے دفن شہیداں وچوں دو اوہ جوان ہن جہناں نوں حکومتِ پاکستان ولوں تمغا جرات نال نوازیا گیا۔ افسراں وچوں سبھ توں وڈّا افسر لیفٹیننٹ ندیم احمد خاں شہید دا نام آؤندا اے۔ ایہناں دی یادگار للیانی بازار دے اُکا ساہمنے فیروز پور روڈ اُتے ندیم شہید پارک اے۔ ایس اندر اِک ہال کمرا اے۔ ایس نوں کدے لائبریری بنایا گیا سی جو ہُن اُجڑ چُکی اے۔ پارک وی برباد ہو گیا اے۔ ہُن ایس دی کوئی سیوا سنبھال نہیں۔ انج ایہ یادگار اپنے اخیر نوں اپڑ چکی اے۔
گنج شہیداں قبرستان اندر ہر ورھے 6 ستمبر نوں اِک بھاری میلا ہوندا سی۔ ایہ میلا 6 ستمبر نوں فجر دی نماز مگروں شروع ہوندا سی۔ ایتھے ہر ورھے شہیداں نوں سلامی دِتی جاندی سی۔ سلامی دی ایس پریڈ نوں ویکھن واسطے لوک دُور دُور توں آؤندے سن۔ فوجیاں توں وکھ ایس اکٹھ اندر ہُن تک جہڑی سبھ توں وڈی سِول شخصیت حاضری بھری‘ اوہ ہن پاکستان دے پہلے چُنے ہوئے وزیر اعظم ذوالفقار علی بھٹو تے اوہناں دے نال سن میاں محمود علی قصوری سابقا وزیر قنون پاکستان۔
6 ستمبر دا ایہ میلا ہُن اِک عوامی میلا بن چُکیا اے۔ مٹھیائیاں تے کھڈونیاں دیاں ہٹیاں تِن دِن پہلوں ای لگ جاندیاں سن۔ 1967ء دے ورھے توں مقامی فنکار‘ سٹیج ڈراما کھیڈدے آ رہے ہن۔ ایس ڈرامے نوں لِکھن والے وی ایہ آپے ای ہوندے ہن تے کھیڈن والے وی۔ ایہناں نوں باہروں کسے ڈائریکٹر دی وی لوڑ نہیں پیندی۔



حوالے
1۔ یادرگاری سِل اُتے اُکرے۔
2۔ یادرگاری سِل اُتے اکُرے۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels