Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> تاریخ دے پنے >> ہندوستان وچ مردشاہی دی وار-----4

ہندوستان وچ مردشاہی دی وار-----4

October 18th, 2013

استری سبھاء جاں عورتاں دا قدرتی سبھاء

حاکم دھراں اکثر اک خاص جماعت جاں لوکاں نوں کجھ قدرتی گناں جاں کدی وی ناں بدلن والے سبھاء والے دسّ کے اوہناں نوں دباؤن اتے کچلن لئی اک وچاردھارک بھنڈار تیار کر لیندیاں ہن۔مثال دے طور تے امریکہ وچ کالے لوکاں نوں غلامی وچ رکھن لئی کالے لوکاں دے  خلاف کئی فاش اتے گھٹیا وچار اتے خیال پرچلت کیتے گئے سی جو اجے وی کافی پرچلت ہن۔مثال دے طور تے ایہہ کیہا جاندا سی کہ کالے لوک پورے انسان نہیں اوہ تاں صرف دو تہائی ہی انسان ہن۔جے کوئی کسے کالے انسان دا قتل کر دندا سی تاں اس تے قتل دا مقدمہ نہیں چلدا سی۔ ایہہ کیہا جاندا سی قتل کرن والے نے بندہ نہیں ماریا۔ اسے طرحاں اجکل امریکہ اتے ہورناں  یورپئین ملکاں وچ مسلماناں دے خلاف وی بہت پراپیگنڈہ  کیتا جاندا ہے۔ کیہا جاندا ہے کہ اوہ قدرتاً ہی دہشتگرد ہن، اس لئی اوہناں تے کنٹرول رکھنا بہت ضروری  ہے۔نیویارک ورگے شہراں وچ مسلمان نوجواناں نوں پولیس جدوں وی چاہوے اوہناں نوں روک کے تلاشی لے سکدی ہے اتے پریشان کر سکدی ہے اتے کردی ہے۔

اسے طرحاں ایہہ قدرتی سبھاء دی دلیل مردشاہی دے حمائتیاں نے عورتاں خلاف اوہناں نوں تھلے لاؤن لئی ہزاراں ہی سالاں توں ورتی ہے۔گرنتھاں، ویداں، پرانا، سمریتیاں وچ عورتاں دے قدرتی سبھاء جاں استری سبھاء بارے بہت ہی تفصیل نال دلیلاں دتیاں گئیاں ہن۔ ایہناں ساریاں دلیلاں دا مقصد صرف ایہہ ہے کہ عورتاں دے قدرتی سبھاء دی وجہ نال اوہناں تے نکیل پا کے رکھنا بہت ضروری ہے اتے اوہناں دے جسم اتے جان تے مرداں نوں ہی کنٹرول رکھنا چاہیدا ہے۔ایہہ وچار اجکل وی پنجاب اتے ہندوستان وچ عامَ طور تے پرچلت ہن۔

رگوید وچ کیہا گیا ہے کہ عورتاں دے دل بگھیاڑاں اتے کتیاں والے ہندے ہن اتے اوہ کسے دیاں دوست نہیں ہو سکدیاں۔

منُ سمریتی وچ اس سوچ نوں ہور ودھا کے دسیا گیا ہے:

عورتاں دا سبھاء پٹھے راہ پاؤن دا ہے اس لئی سیانے مرد اوہناں نال ورتدے نہیں۔(2-113)

مرد قدرتی طور تے ہی کام واسنا والے ہندے ہن اس لئی عورتاں تاں سیانیاں نوں وی پٹھے راہ تور لیندیاں ہن، بیوکپھاں دی تاں گلّ ہی کی ہے۔(2-114)

جوان کڑی، جوان عورت اتے وردھ جاں بڈھی عورت نوں کدے وی کوئی کم آزادی نال نہیں کرنا چاہیدا بھانویں اوہ اپنے گھر وچ ہی ہووے۔(5-147)

عورت نوں اپنے پیو، پتی جاں پتر دے ادھین ہی رہنا چاہیدا ہے۔ اوہناں توں وکھ ہوکے اوہناں دی دوہاں ٹبراں وچ نکھیدھی ہی ہندی ہے۔(5-149)

عورت جے اپنی زبردستی  اتے رشتے داراں دا مان کرکے کسے پرائے مرد نال جاندی ہے تاں راجے دا فرض ہے کہ شرے عامَ اس نوں کتیاں توں پھڑوایا جاوے۔(8-371)ُ

عورت دی راکھی بچپن وچ پیو کردا ہے، جوانی وچ گھروالا کردا ہے اتے بڑھاپے وچ پتر کردا ہے۔ اوسنوں کسے وی حالَ وچ کھلا نہیں چھڈیا چاہیدا۔(9-3)

عورتاں نہ تے خوبصورتی دیکھدیاں ہن اتے ناں ہی جوانی، اوہ تاں مرداں نال سمبھوگ کرن نوں کالھیاں ہندیاں ہن۔ مرد بھانوے سوہناں ہووے جاں بدصورت(9-14)

اپنی کام واسنا دے سفنیاں اتے خیالاں کرکے عورتاں دی بھانوے کنی وی راکھی کیتی جاوے، اوہ اپنے قدرتی چنچل سبھاء کرکے ہورناں مرداں نال کھیہہ کھان لگّ پیندیاں ہن۔(9-15)

عورتاں دے اس سبھاء نوں جو کہ پرجاپتی نے بنایا ہے اس سبھاء نوں مدنظر رکھدے ہوئے مرد نوں اپنی گھروالی نوں بچا کے رکھنا چاہیدا ہے۔(9-16)

سیانیاں اتے گیانی دھیانیاں دا نرنا ہے کہ عورتاں نوں شدھ نہیں کیتا جا سکدا۔اوہناں نوں کوئی منتر نہیں سکھائے جا سکدے۔اس لئی اوہ جھٹھیاں ہن۔ ایہہ سیانیاں نے تتّ کڈے ہن۔(9-18)

عورتاں دی بے وفائی دے ذکر ویداں وچ اتے ہورناں نگاماں گرنتھاں وچ وستار نال ملدا ہے جس نال اسیں اوہناں دے اصلی خاصے دے جاننوں ہنے ہاں۔(9-19)

سکند پران وی عورتاں دے قدرتی سبھاء اتے جماندرُ خاصے بارے ایہو جہی سوچ دسدی ہے:


ہے سونک اک سنکھے مرد نوں ویکھ کے ہی بھانوے اوہ بھرا جاں پتر ہووے عورت دے گپت انگ گلے ہو جاندے ہن۔ ایہہ سچ ہے۔(1-116)

عورتاں تاں ہی پاک اتے کناریاں رہندیاں ہن جے اوہناں نوں کوئی مرد نہ ملے جاں موقع ناں ملے۔(1-117)

کوئی وی ایسا مرد نہیں ہے جسنوں عورت پسند نہیں کردی اتے ناں ہی کوئی ایسا ہے جسنوں اوہ پیار کردی ہے۔ اسنوں تاں اک دے بار دجا مرد پسند ہے جس طرحاں گاں جنگل وچ گھا چردی ہے۔(1-119)

شرم جاں حیا کرکے جاں سیانپ کرکے عورت پاک جاں کناری نہیں رہندی، لیکن موقع نہ ملن کرکے ہی اوہ پاک رہندی ہے۔(1-121)

بے وفائی،دھوکھا،فریب،جھٹھ،لالچ اتے گندگی ایہہ سبھّ عورتاں دے قدرتی اوگن ہن۔(1-196)

پنچتنتر دی کہانیاں جو کہ ہندوستان اتے دنیاں وچ بہت ہی مکبل ہن، اوہناں وچ وی عورتاں دے خلاف مردشاہی دی سوچ دسدی ہے:

عورتاں اک مرد نال گلّ کردیاں ہن، دسرے ولّ واسنا نال جھاکدیاں ہن اتے تجے بارے دل وچ سودیاں ہن۔عورتاں کس نوں پیار کر سکدیاں ہن؟(1-136)

مرکھ بندہ جو بھلیکھا کھا کے سوچدا ہے کہ میری پیاری عورت میرے نال بہت لگاؤ کردی ہے،ہمیشہ لئی عورت دے ہتھ دا کھلونا بن جاندا ہے۔(1-140)

جویں لاکھ نوں نچوڑ کے پیراں چ سٹّ دتا جاندا ہے اسے طرحاں عورتاں اس بندے نوں جو اوہناں نال لگاؤ کردا ہے اسنوں سبھّ کجھ نچوڑ کے اپنے پیراں وچ سٹّ دندیاں ہن۔(1-146)

باہروں خبسرت اتے اندروں زہر نال بھرے گنجا پھل وانگ عورتاں نوں کس نے بنایا ہے؟(1-196)

جدوں کسے دے کڑی جمدی ہے تاں اوہ ماں دے دل نوں دکھانؤدی ہے۔جدوں جوان ہندی ہے تاں اسنوں پیار کرن والے دکھی ہندے ہن۔ویاہ دے بعد اوہ شرموالے کم کردی ہے۔ کڑیاں دا جمنا ہی مصیبت ہے۔(1-206)

جو اوہناں دے دل وچ ہے اوہ اوہناں دی زبان تے نہیں ہندا۔جو اوہناں دی زبان تے ہے اھسنوں اوہ کہندیاں نہیں۔جو اوہ کہندیاں ہن اوہ کردیاں نہیں۔ عورتاں دا سبھاء اتے عمل اجبِ ہی ہے۔(4-83)


مردشاہی دی ایہو جی سوچ عورتاں تے دباء رکھن لئی ہزاراں ہی گرنتھاں، رواجاں اتے ریتاں وچ ملدی ہے۔ وارث شاہ بھی اپنی ہیر وچ مردشاہی دی ایہہ شوچ انج دکھانؤدے ہن:

مرد کرم دے نیک ہن سہتیئے نی، رناں دشمناں نیک کمائیاں دیاں
تسیں اس جہان وچ ہوئِ رہیاں،پنج سیریاں گھٹّ دھڑوائیاں دیاں۔
مرد ہین جہاز جو نیکیاں دے،رناں بیڑیاں ہین برائییاں دیاں۔
مانؤ باپ دا نانؤ نامس ڈوبن، پتاں لاہ سٹن بھلیاں بھئییاں دیاں۔
بڈ، ماس، حلال، حرام کپن،ایہہ کہاڑیاں ہن قصائیاں دیاں۔
لباں لیندیاں صاف کر دین داڑی،جویں قینچیاں احمقاں نائیاں دیاں۔


اسیں دیکھدے ہاں کہ ہزاراں سالاں توں مردشاہی اتے اوہناں دے دانشوراں نے عورتاں نوں دباؤن اتے غلام رکھن لئی عورتاں خلاف بہت ہی دلیلاں گھڑیاں ہن اتے اک بہت وڈا خیالاں اتے وچاراں دا اک بھنڈار عورتاں دے سبھاء بارے گھڑیا ملدا ہے جس وچ کجھ وی سچائی نہیں ہے۔ مرداں اتے عورتاں نے ایہہ دلیلاں نوں اپنے ذہن اتے دماغ وچ بٹھا لیا اتے زور اتے جبر نال کئی وحشی ریتاں رواجاں نوں قبول کر لیا جو اج وی جاری ہن۔مثال دے طور تے جدوں کسے عورت نال زبردستی کیتی جاندی ہے جاں اسدا بلاتکار ہندا ہے تاں اکثر دلیل دتی جاندی ہے کہ ایہہ تاں اسدا اپنا قصور سی۔اس نوں بھڑکیلے کپڑے نہیں پہننے چاہیدے جاں اسنوں  ہنیرے  سویرے گھروں نہیں نکلنا چاہیدا۔ایہہ سبھّ صدیاں توں آ رہیاں مردشاہی دیاں ہی دلیلاں ہن۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels