Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> تاریخ دے پنے >> ہندوستان وچ مرد شاہی دی وار:1

ہندوستان وچ مرد شاہی دی وار:1

September 18th, 2013

مڈھ قدیم وچ جدوں انسان قبیلیاں وچ رہن لگا تاں اس ویلے عورتاں اس سماج دی بنیاد اتے ہوند لئی ساریاں نالوں زیادہ اہمیت رکھدیاں سن۔اس سماج نوں اپنے جین تھین لئی اتے قدرت نال نجٹھن لئی نفری زیادہ ودھاؤنا ایس سماج وچ بہت ضروری سی۔ عورتاں بچے جندیاں ہن اس لئی اس سماج وچ عورتاں دی قدر بہت زیادہ سی۔ اس سماج وچ عورتاں دا بول بالا سی تے رب دا تصور اتے خیال وی اک عورت اتے ماں دے روپ وچ الیکیا گیا۔ بھگوان شبد دامطلب ایہہ ہے۔ دیوی ماں دی پوجا کیتی جاندی سی۔ رگ وید وچ وی ادیتی اتے ہورناں دیویاں نوں اس کائنات نوں پیدا کرن والیاں کا گیا ہے۔ہندوستان دے بہت وڈے کھتیاں وچ اجے وی ایہہ پوجا جاری ہے۔ایہہ مڈھ قدیم سمیاں دی ہی ریت ہے۔
عورتاں نے ہی سماج دیاں بنیادی لوڑاں پوریاں کرن لئی کئی کاہڈاں کڈھیاں۔ جنگلی جانوراں نوں پالتو بناؤن دا کم عورتاں نے ہی شروع کیتا اتے اس نال اس سماج نوں خوراک بارے اک حد تک اپنے پیراں تے کھڑے ہون وچ مدد ملی۔ ہندوستان دی تاریخ وچ ایہہ کاہڈ درگا دی شیر دی سواری وچ یاد کرکے دکھائی جاندی ہے۔ شیر جنگل دا راجا ہے۔ درگا اوسدی سواری کردی دکھائی جاندی ہے جسدا مطلب ایہہ ہی سی کہ عورتاں نے جانوراں دے پالن پوسن دا کم کیتا سی۔
ایسے طرحاں کھیتی باڑی دی کاہڈ وی عورتاں نے ہی کڈھی سی۔اس لئی ہندوستان وچ اس کاہڈ نوں شکنبری دیوی اتے انپرنا دیوی دی دین کاں جاندا ہے۔اج وی ہندوستان دے کئی حصیاں وچ کھیتی دی بوائی صرف عورتاں ہی کردیاں ہن جاں مرد عورتاں دے کپڑے پہن کے کردے ہن جو کہ پرانے سمیں دی ہی یاد اتے ریت ہے جدوں کہ عورتاں کھیتی باڑی کردیاں سن۔ ہندوستان دے کئی حصیاں وچ اجے تیک کھیتی صرف عورتاں ہی کردیاں ہن۔
تاریخ ایہہ وی دسدی ہے کہ اگ دی ایجاد وی عورتاں نے ہی کیتی سی اسے لئی اگنی دیوی دی پوجا اجے وی ہندی ہے۔للیتا سہس ناما دسدا ہے کہ للیتا دیوی کیویں اگ دا ہی سروپ ہے اتے اسنے منکھتا دے بھلے لئی ہی جنم لیا ہے۔مہابھارت دی دروپدی وی اگ دے کنڈ وچوں ہی پیدا ہوئی سی اتے اوہ وی للیتا دا ہی سروپ دسی جاندی ہے۔
بولی اتے زبان دے وکاس وچ عورتاں نے اہم حصہ پایا۔ کاسر جاندا ہے کہ سنسکرت اتے پراکرت دی اساری اٹھ واک دیویاں نے ہی کیتی سی۔ایہہ وی کا و جاندا ہے کہ بولی اتے بولن دی شکتی واک دیوی جاں سرسوتی دی ہی دین ہے۔
اس ویلے عورتاں سماج دی کیندری سٹیج تے سن اتے اوہناں دی سرداری ہر پاسے سی۔بچیاں دا ناں اوہناں دی ماں توں جانیا جاندا سی۔باپ اتے باپ دے ناں دی کوئی اہمیت نہیں ہندی سی۔ ہر بچہ ماں دے ناں توں جانیا جاندا سی۔ مثال دے طور تے مہا بھارت وچ بھیشم نوں گنگاپتر کا ن جاندا ہے۔ پانڈواں نوں کنتی دے پتر اتے کورواں نوں گندھاری نندن کاہا جاندا رہا ہے۔ہندوستان دے اتر پروی علاقیاں وچ حال تیک وی ایہو جہےڈ سماج قایم ہن۔
اس سماج وچ سارےقبیلے والے اکٹھے رہندے سن اتے کئی عورتاں کئی مرداں نال رہندیاں سن اتے بچیاں نوں جنم دیندیاں سن۔ایہہ ریت کئی قبائلی علاقیاں وچ اجے وی قایم ہے۔ ایہہ بچے سارے سماج دے سانجھے منے جاندے سی۔بچیاں نوں ماں دے ناں توں ہی جانیا جاندا سی اتے نسل اسے طرحاں ہی اگے چلدی سی۔اس سماج وچ ہر چیز سانجھی ہندی سی۔خون دے رشتے ماں دے خون نال ہی منے جاندے سی۔ باپ دا رشتہ خون دا رشتہ نہیں سی۔ ایہہ سلسلہ کئی ہزار سالاں تیک اس طرحاں ہی چلدا رہا۔ عورتاں دی سرداری والے اس سماج نے بہت ہی ترقی کیتی اتے کایہ جاندا ہے کہ خوشحالی دی ایہہ پہلی پیڑھی سی۔کئی ودوان اتے دانشور تاں ایہہ قیاس وی لاؤندے ہن کہ سندھ گھاٹی دی پرانی سبھیتا وچ وی عورتاں دی ہی سرداری سی۔اس دور نوں استری راج نال جانیاں جاندا سی۔ مہابھارت دے وچ کئی استری راج قایم دکھدے ہن۔ گورکھ پران وچ استری راج دا ذکر ملدا ہے اتے واتسائن وی اپنے کام ستر وچ استری راج دا ذکر کردا ہے۔
ہندوستان دے متھاس وچ دیوتیاں اتے اسراں دی ہر لڑائی وچ دیوی ماں نے ہی دیوتاواں دی جان بچائی اتے جت کرائی سی۔عورتاں نے وڈیاں لڑائیاں لڑیاں۔کالی ماں دی تصویر وچ اسیں دیکھدے ہاں کہ اوہدے ہر ہتھ وچ ہتھیار ہن اتے گل وچ اس نے سراں دی مالا پہنی ہوئی ہے۔ایہناں لڑائیاں دیاں واراں اجے تیک وی گائیاں جاندیاں ہن۔
عورتاں دی اس تاریخ بارے سانوں کجھ وی لکھیا نہیں ملدا۔ پر ہر تھاں اس گورومئی اتہاس دے اشارے ملدے ہن۔ہورناں پسماندہ لوکاں وانگ ایہہ ہی کاھ جاندا ہے کہ عورتاں دی کوئی تاریخ جاں وار نہیں ہے۔عورتاں دی اس تاریخ نوں کیہ ہویا اتے ایہہ کس طرحاں ختم ہوئی؟ استری راج کس طرحاں ختم ہوئے؟مردشاہی دا بول بالا کس طرحاں قایم ہویا؟عورتاں نوں ہیناں کیویں بنایا گیا؟ اوہناں نوں تاریخ دے مرکز توں پچھے کس طرحاں سٹیا گیا؟
ایہہ سوال جواب منگدے ہن اتے اک نویں سماج دی اساری لئی ایہناں سوالاں دا جواب بہت ہی ضروری ہے۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels