Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> تاریخ دے پنے >> اِک قصہ

اِک قصہ

ڈاکٹر ۔ایس ناز
September 3rd, 2013

اِک وار دا قصہ ہے کہ اِک زمیندار سویرے سویرے مزدوراں نوں دیہاڑی تے لاؤن لئی شہر دے چوک وِچ گیا ۔ جِنے مزدور بیٹھے سن ایہناں نال دیہاڑی مُکا کے آکھن لگا کہ جاؤ میرے انگوراں دے باغ وِچ مزدوری کرو۔ کوئی دوپہر ویلے پھیر مارکیٹ وِچ جاندا ہے اَتے ویکھدا ہے کہ کُجھ مزدور ویہلے بیٹھے ہن۔ اوہ اوہناں نُوں وی حُکم دیندا ہے کہ جاؤ میرے باغ وچ کم کرو۔ تیجے پہر مُڑ مارکیٹ وِچ جاندا ہے اَتے کُجھ مزدور اجے وی بے کار بیٹھے ویکھدا ہے۔ مُڑ فیر آکھدا ہے جاؤ میرے باغ وِ چّ کّم کرو۔ اَتے مُڑ کوئی ادھا دِن گئے مارکیٹ وِچ کُجھ مزدور ویکھدا ہے اَتے آکھدا ہے جاؤ کم کرو میں تُہانوں مزدوری دیاں گا۔ اِس طرح اوہ پنج واری مارکیٹ وِچ گیا اَتے مزدوراں نوں نوکری تے لایا۔
ہویا ایہہ کہ جد شام پئی تے سارے مزدور کٹھے ہوئے، مالک نے ایہناں نوں مزدوری دینی شروع کیتی۔ اوس نے جو سویر توں لگے سن اوہناں توں لَے کے شام تک لگّے مزدوراں تک سبھ نوں اِکّسارتا نال برابر دیہاڑی دے دِتی۔ جو سویر توں کم کر رہے سن اَوّش ہی کہن لگّے مالک اسیں سارا دِن دیہاڑی کردے رہے ہاں، تُسیں ساریاں نوں برابر مزدوری کیویں دے سکدے ہو؟ مالک آکھن لگا میں ہر اِک نوں اوس دی لوڑ مطابق دیاں ) اِس طرح نہیں کہ اوس نے کِنّے گھنٹے کم کیتا۔ بائیبل وچوں متی رسُول باب ٢٠۔
ایہہ کہانی ویہویں صدی دے مشہور سماجک فِلاسفر رسکِن دی کتاب "نو ٹو ٹاس لاسٹج" دا نینہہ پتھر ہے۔ اصل وِچ سارے مارکس واد دا نینہہ پتھر وی ایہہ مزدوری دے واہن دا دُھرا بندا ہے۔ کِسے ویلے گاندھی وی اِس کتاب نوں اپنی سیاسی آرتھِکتا دا میل پتھر منّدا سی۔
بھارت وِچ اجے وی اجیہے ٥ مِلین لوک ہَن جو ہر روز بھُکھے ساؤندے ہَن۔ ہر دیش وِ چّ اِس دیش دی اقتصادیات دی ریڑھ دی ہڈی اِس دے مزدور ہوندے ہَن۔ جے کوئی دیش اِہنا دِیاں روز دِیاں لوڑاں پُوریاں نہیں کر سکدا۔ ایہناں نوں سماجی اَتے وِدّیک سویدھانواں نہیں دے سکدا، اُوس دا قائم رہنا مُشکل ہے۔
ودھیرے کرکے اجیہیاں بیماریاں ہَن جِس نوں اسیں سماجک کوڑھ آکھدے ہاں ایہناں، مزدوراں دی بھُکھ والی کُکھ وِچوں جمدِّیاں ہَن۔ دُکھ صرف انسانی آبادی دا ہی نہیں ہے، پر بے کاری اَتے ان پڑھتا اَتے بے روزگار لوکاں دا ہے۔ سارے سنسار دے اتّ واد دے کیڑے اصل وِ چّ جھوگی جھونپڑی وِچ ہی پلدے ہَن، نہ صرف ات واد سگوں ہر بیماری اَتے سماجی کوڑھ دی اُپج غریبی گھاٹ وِچ جی جمّدی ہے۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels