Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> تاریخ دے پنے >> وار بارے:17طارق علی تے اولیور سٹون گل بات

وار بارے:17طارق علی تے اولیور سٹون گل بات

پنجابی رُوپ:زبیر احمد
June 21st, 2013

(ایس لکھت وچ وار دا مطلب تواریخ ، ہسٹری اے)
(لڑی جوڑن لئی پچھلیاں لڑیاں ویکھو)

تیجا انگ : سویٹ یونین تے ایہدیاں پِچھلگ ریاستاں
سٹون:سانوں پتہ اے اٹھارویں تے اُنہویں صدی وچ روسی شاہی سی۔سانوں سار اے اوہ پولینڈ تے ہور دوجے مُلکاں ورودھ لڑے،پر سویٹ شاہی کد اپنے سکھر تے آہی؟
طارق: زار دی شاہی اک اندروکی شاہی سی۔روس نے اپنیاں سرحدی مُلکاں نوں ٹُنبی گیا جویں امریکا نے پوند وچ کیتا سی۔اتے مُڑ ایہہ مُلک کافی حد تیک رل مل وی گئے پر پوری حد تیک نہیں۔اتے ایہہ 1990دی پوند سی جد اوہناں کجھ پرے ہٹنا چھوہیا۔ اتے ایہہ وی ایس پاروں پئی ایہہ اک راہ سی جس ول لہندا اوہناں نُوں لے کے جانا چاہندا سی۔پر چڑھدے یورپ دے مُلک ریتل حساب نال شاہی نہیں سن کیوں جے ایہہ اک بہتی اک سیاسی شاہی سی، معیشت توں بہتی اک سماجی سیاسی شاہی سی اتے ایس پاروں ایہہ لہندے توں بہوں وکھ سی۔
سٹون: کیہہ سویٹ یونین اپنیاں پِچھلگ ریاستاں تُوں کچیاں مدنیات کڈھن جوگ سی؟ یاں تُسیں کہہ رہے او کیہہ ایہہ وپار پالسی سی جیہڑی سویٹ یونین دے بہوں حق وچ سی؟
طارق: ایہہ وپار پالسی سی جیہڑی بہوں زیادہ سویٹ یونین دی حق وچ اِنج سی پئی ایہناں مُلکاں نوں زوری آکھیا جاندا سی پئی او سویٹ مال خریدن یاں معشیتاں نُوں اِنج چلائیا جاندا سی پئی اوہناں دی سویٹ یونین اُتے بہوں محتاجی سی۔ پر بہتی وار سویٹ یونین دنیدا ودھ سی جیہناں اوہ لینداسی۔
سٹون: جویں کیوبا سی ؟
طارق: کیوبا اوس دی کلاسیک مثال اے۔ ہور تے ہور چڑھدے جرمنی وچ وی، بھاویں اوہناں لام دے مگروں چوکھے کرخانے توڑ بھن دتے سن،ایس لئی چڑھدے جرمنی نُوں سنبھلدے چر لگ گیا۔جد کہ جو کجھ امریکا لہندے جرمنی وچ کردا پیا سی او اُکا اُلٹ سی،اوہ مُلک نوں اِنج اُساردا پیا سی پئی اوس نوں منڈی لئی اک نمونہ بنایا جائے۔ اتے ایہہ کرن وچ اوہ سپھل رہے۔ روسیاں نے ایہہ نہ کیتا۔
سٹون: تُسیں ایس دلیل بارے کیہہ آکھو گے کہ اخیر تے جیہڑے مُلک امریکی شاہی دے اثر ہیٹھ سن اوہ بہتے خوشخال ہوئے جیویں جاپان تے کسی حد تیک لاطینی امریکا وی تے کجھ حد تیک افریکا وی تے لہندا یورپ تاں ہے ای سی۔۔۔جد کے سویٹ شاہی نے ہنگری، چیکوسلاواکیہ تے پولینڈ جیہڑے کدی امیر سن ہن ماڑے ہو گئے۔
طارق: بہرحال چڑھدے یورپ دے مُلکاں دے بارے دلیل ایہہ دتی جاندی اے پئی چیکوسلاوکیہ نُوں چھڈ کے بہتے معاشی پکھوں پچھڑے ہوئے سن۔ پولینڈ اک بہوں پچھڑیا واہکاں دا مُلک سی۔ چڑھدا جرمنی پرانے جرمنی دا حصہ سی پر اتحادیاں دی بمباری نے ڈریسڈن نوں تباہ کردتا سی جیہڑا اک چڑھدے جرمنی دا شہر سی۔۔ سویٹ یونین کول لوڑنیدا دھن نہیں سی پئی اوہ ایہناں مُلکاں نوں اُساردا۔ ایس دا اپنے آپ دی اُساری وچ ای لابھ سی۔سانوں ایہہ چیتے رکھنا چاہیدا اے پئی دوجی وڈی لام وچ روسیاں دی کسے وی مُلک تُوں ودھ بربادی ہوئی سی۔ تہانوں پتہ اے اوہناں لکھاں لوک مروائے سن۔ اوہناں دیاں صعنتاں تباہ تے برباد ہوئیاں۔ امریکا دے بھاویں لوک مرے پر اوہناں دے شہراں اُتے کدے بمب یاں ہلے نہ ہوئے۔ امریکا نے دوجی لام مگروں جو کیتا اوہ شاہی وار وچ بڑا خاص اے۔اوہناں اپنے پرانے ویریاں نوں مُڑ اُساریا تے اوہناں دی معاشی دوڑ نُوں ترکھا کیتا۔کسے نے وی ایہہ پہلوں نہیں کیتا سی تے مینوں شک اے کوئی طاقت ایہہ مُڑکرسی۔ اتے جس کارن اوہناں ایہہ کیتا اوہ سی کیمونزم دا ڈر۔ اوہناں ایہناں ملکاں نوں سویٹ اثر ہیٹھ جان نہ دتا کیوں جے پھیر کیمونزم اوہناں نال کُجھ کر نہ دیوے۔
رُوسیاں نے ایہناں مُلکاں وچ لوڑنیدی اُساری کیتی جیہڑی کجھ کھروی پر اثروالی سی۔ تعلیم تے صحت وی مفت سی تے گھراں لئی چوکھی مدد کیتی جاندی سی۔ ایہہ اک طراں دی لوک دیاں لوڑنیدیاں لوڑاں پورا کردا شوشلزم سی۔ تہانوں آزادی نہیں سی پر جے تُسیں ایہناں مُلکاں دی شہری سو پھیر تہانوں ایہہ سوکھتاں مل جاندیاں سن۔اتے جے تُسیں ایہناں مُلکاں دی سیل کرو جیویں میں کدی کرنا آں تے جنی گنتری وچ لوک آوندے نیں تے کہندے نیں پئی اوہ اوس ویلے نُوں چیتے کردے نیں جیہڑا ہن تُر گیا اے اوہناں دی گنتری بہوں اے۔تے ایس لئی اوہناں اپنے حساب نال کیتا تے امریکا نے اپنے ڈھنگ نال کیتا، ایہناں ساریاں مُلکاں وچ امیر اُچ میل اُساریا بھاویں لوکاں دی حالت وچ کوئی بہتری نہیں آئی۔



Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels