Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کھیڈ تے کھڈاری >> کبڈی دا عالمی فیسٹول 16 مئی نوں لہور ہوسی۔ سٹابری سپورٹس

کبڈی دا عالمی فیسٹول 16 مئی نوں لہور ہوسی۔ سٹابری سپورٹس

وچار ڈیسک
April 3rd, 2017

رواجی کھیڈاں نوں پروفیشنل انداز وچ اگے ودھانا اج دی لوڑ تے سٹابری سپورٹس والے وی ایس کم تے لگ چکے نیں۔ اوہ نرا کبڈی دا میلہ نہیں کروا رہے سگوں والی بال، فٹ بال تے ریسلنگ ورگیاں کھیڈاں دے عالمی میلے کروان دا آہر وی کررہے نیں۔ انہاں میلیاں وچ پاکستان توں باہروں وی کھڈاری آرہے نیں۔ کرکٹ تے انگریزاں ساڈے تے منڈھ دتی سی پر جیہڑیاں کھیڈان ساڈے ایتھے صدیاں توں جاری سن انہاں بارے اساں کیوں توجہ نہیں دیندے؟ ایہہ وڈا سوال۔ کرکٹ وچ وی کوئی مولوی عبدالحق ہوندا ہے تے کرکٹ نوں واحد اسلامی کھیڈ آکھد دیندا۔ سٹابری سپورٹس تے اوس دے وڈکے حیدر علی داؤد خان وڈا کم پایا ہے اتے ہن قذافی سٹڈیم نیڑے پنجاب سٹڈیم وچ 16 مئی نوں کبڈی دی سپر لیگ ہورہی ہے۔ کبڈی کھیڈن والیاں فیڈریشناں نوں اپنے نال ملاکے حیدر ہوراں اک چنگا قدم چکیا ہے۔ ایس سپر لیگ وچ 6 ٹیماں رلن گیاں اتے پی سی ایل وانگ ایتھے وی ٹیماں دی بولیاں لگ رہیاں نیں۔ حیدر علی داؤد پنجاب سٹیڈیم وچ اک پریس کانفرنس نال گل بات کیتی تے انہاں دسیا پئی ایہہ ٹورنامنٹ فلڈ لائٹاں نال رات نوں کروایا جائے گا۔ ایس موقعہ تے سیالکوٹ بلز(Bulls )دے چوہدری خالق وی موجود سن جہناں ایس ٹیم دی بولی جتی ہے۔ اوہ وڈے کاروباری نیں اتے انہاں دا آکھنا سی پئی فٹ بال، ہاکی، کبڈی سنے بہوں ساریاں کھیڈاں سیالکوٹیاں گھڑتی ویلے توں سیہاندے نیں۔ ایس موقعہ تے پاکستان کبڈی فیڈریشن دے سیکٹری رانا سرور تے سابقہ ہاکی اولمپین آصف باجوہ وی موجود سن۔ رانا سرور ایشین کبڈی فیڈریشن دی وی سیکٹری نیں اتے انہاں دسیا پئی اساں سب رل مل ایس عالمی کبڈی میلے نوں یادگار بناواں گے۔ امید ہے پئی ایس میلہ وچ بھارت، ایران، افغانستان تے وسط ایشیائی ملکاں توں کبڈی کھیڈن والے کھڈاری رلت کرن گے۔ نوجواناں نوں کھیڈاں ول لیجاون لئی ضروری ہے پئی حکومت اینج دا تاثر ختم کرسے جس پاروں کجھ کھیڈاں نوں معتبر دسیا جاندا ہے اتے رواجی کھیڈاں نوں پینڈو کھیڈاں آکھ کے فارغ کردا جاندا ہے۔ سٹابری تے کبڈی فیڈریشن نوں چاہیدا ہے پئی اوہ لمز تے وڈے انگریزی میڈیم سکولاں وچ کبڈی دے مقابلے کروان تانجے ایہہ تاثر مکے کہ ایہہ کوئی ماٹھی کھیڈ ہے۔ ایس مہم وچ میڈیا دا کردار سب توں اہم ہے۔ کبڈی دنیا دے بہوں سارے ملکاں وچ کھیڈی جاندی ہے تے کتھے ایس دا ناں ’’ہو تو تو‘‘ ہے ،کتھے چھڈو کدو، کتھے بہاوا تک، کتھے کبڈی، کتے کھڈی تے کتھے ہدودو۔ ایہہ اک ایشین کھیڈ ہے تے جاپان، ایران، وسط ایشیا، ملیشیا، نیپال وچ وی کھیڈی جاندی ہے۔ 2012 وچ وی لہور وچ ایشین کبڈی کپ کروایا گیا سی۔ اینج ہی اک کبڈی ورلڈ کپ وی ہوندا ہے جیہڑا 2004 توں جاری ہے۔ 2012 وچ بھارت دے شہر پٹنہ وچ زنانیاں دا پہلا کبڈی ورلڈ کپ ہویا سی۔ ایس وچ ایران تے نیوزی لینڈ دی ٹیماں وی رلت کیتی سی۔ 2014 وچ ورلڈ کبڈی لیگ بنائی گئی سی جس وچ امریکہ، برطانیہ، کنیڈا، تے پاکستان دی ٹیماں رلتی سن اتے ایہہ پنجابی سٹائل وچ کبڈی کھیڈے نیں۔ نیپال وچ تے کبڈی نوں قومی کھیڈا دا درجہ حاصل ہے۔جے کبڈی دی سپر لیگ وچ بھارت، ایران تے وسط ایشیائی ملکاں توں کھڈاری آون گے تاں ایہہ اک ودھیا گل ہو سی۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels