Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کھیڈ تے کھڈاری >> کلکتہ نائٹ رائڈرز تے پشور زلمے وچ کرکٹ میچ :آفریدی اپنامذاق بنایا

کلکتہ نائٹ رائڈرز تے پشور زلمے وچ کرکٹ میچ :آفریدی اپنامذاق بنایا

وچار ڈیسک
March 9th, 2017

پشور زلمے دے مالک جاوید آفریدی آکھیا ہے پئی بھارتی فلم ایکٹر شاہ رخ خان ایہہ آفر کیتی ہے پئی کسی نیوٹرل تھاں تے پاکستان سپرلیگ دی جتو ٹیم اتے انڈین سپر لیگ دی کلکتہ نائٹ رائڈرز وچ کرکٹ میچ کھیڈے جاون۔ایہہ خبر ایکسپریس ٹربیون چھاپی ہے۔ پر فیر ایسے اخبار وچ ایس دی تردیداں وی آگیاں۔جاوید آفریدی تے ہور وی بہوں کجھ آکھیا سی تے ہن اوہ وی مشکوک ہو گیا ہے۔ آفریدی ہوراں میڈیا نوں دسیا پئی شاہ رخ پہلے تاں پشور زلمے نوں مبارکاں دتیاں اتے بعد وچ ترے میچاں دی سیریز کھیڈن دی دعوتاں دے چھڈیاں۔ مینوں پوری دنیاتوں مبارکاں آرہیاں نیں جہناں وچ بھارتی فلم ایکٹر وی رلتی نیں اتے افغانستان دے صدر وی۔ انہاں ایہہ خیال وی ظاہر کیتا پئی جے اساں ایہہ سریز کابل کھیڈیے۔کجھ دیر بعدوں کلکتہ رائڈرز بیان جاری کر دتا پئی ایسا کوئی فون ہویا نہ رابطہ۔ اخیرجاوید آفریدی اپنے بیان توں پچھے ہٹ گئے۔کوئی اپنا مذاق آپ کنج اڈاندا ہے ، آفریدی ہوراں دس دتا۔
News Source
https://tribune.com.pk/story/1350736/kkr-wont-playing-games-peshawar-zalmi/


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels