Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کھیڈ تے کھڈاری >> کیپ ٹاؤن ٹیسٹ: جنوبی افریقہ 326 دوڑاں تے آؤٹ، پاکستان نے پہلی واری وچ 12 دوڑاں ودھ بنائیاں

کیپ ٹاؤن ٹیسٹ: جنوبی افریقہ 326 دوڑاں تے آؤٹ، پاکستان نے پہلی واری وچ 12 دوڑاں ودھ بنائیاں

وچار ڈیسک
February 16th, 2013

کیپ ٹاؤن: کیپ ٹاؤن ٹیسٹ دے تیجے دن جنوبی افریقہ اپنی پہلی واری وچ 326 دوڑاں بنا کے آؤٹ ہو گئی۔ ایس طرحاں پروٹیز دے خلاف 12 دوڑاں توں پاکستان دوجی واری لے رہیا اے۔ کیپ ٹاؤن دے نیو لینڈز کرکٹ گراؤند وچ کھیڈے جاون والے ٹیسٹ میچ دے تیجے دن جنوبی افریقہ نے5 وکٹاں تے 139 دوڑاں نال اپنی پہلی واری دی دوبارہ شروعات کیتی تے پروٹیز وکٹ کیپر ابراہم ڈی ویلیئرز تے ایلگر کریز تے موجود سن دوواں کھڈاریاں نے دوڑاں نوں 164 تک پہنچایا پر 23 دوڑاں بناون والے ایلگر سعید اجمل دے چھیویں شکار بنے۔ جیہدے بعد پیٹرسن نے ڈی ویلیئرز دا ساتھ دتا تے 210 دوڑاں تک لے گئے، ابراہم ڈی ولیئرز محمد عرفان دی پہلی ٹیسٹ وکٹ بنے، اوہناں نے 61 دوڑاں دی واری کھیڈی، فلینڈر 22 تے ڈیل اسٹین نے 10 دوڑاں بنائیاں تے اوہ وی محمد عرفان دے ہتھوں ای آؤٹ ہوئے۔ 88 دوڑاں دی لمی واری کھیڈن والے پیٹرسن نوں محمدحفیظ نے پویلین گھلیا۔ پاکستان ولوں سعید اجمل نے 6 تے محمد عرفان نے 3 کھڈاریاں نوں آؤٹ کیتا جد کہ محمد حفیظ نے اک وکٹ لئی۔
جنوبی افریقہ دے خلاف 12 دوڑاں دی ودھاوے نال پاکستان دی دوجی وار جاری اے، پہلی واری دی طرح دوجی واری وچ وی قومی ٹیم دی شروعات چنگی نہیں رہی، دوویں اوپنر محمد حفیظ تے ناصر جمشید اپنا کھاتا کھولے بغیر ای پویلین آ ئے گئے جد کہ پہلی واری وچ 100 دوڑاں بنان والے یونس خان دوجی واری وچ 14 دوڑاں بنا کے ڈیل اسٹین دی گیند تے آؤٹ ہوئے۔




Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels