Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کھیڈ تے کھڈاری >> ڈاڈھے سخت مقابلے بعد انگلینڈ دی جِت، دھونی نوں ٹیسٹ کپتانی توں ہٹان دی منگ

ڈاڈھے سخت مقابلے بعد انگلینڈ دی جِت، دھونی نوں ٹیسٹ کپتانی توں ہٹان دی منگ

وچار ڈیسک
January 12th, 2013
5 / 5 (1 Votes)

راج کوٹ وچ کھیڈے جان والے پہلے اِک دیہاڑے میچ وچ انگلینڈ نے اک ڈاڈھے مقابلے بعد انڈیا نوں9 دوڑاں توں ہرا دتا۔
انگلینڈ نے پہلے کھیڈے ہوئے انڈیا نوں جتن لئی 326دوڑاں دا ٹارگٹ دتا۔ انڈیا نے جواب وچ پنجاہ اووراں وچ نو وکٹاں دے نقصان تے تِن سو سالہ دوڑاں بنائے۔
بھارت ولوں یوراج سنگھ نے سبھ توں ودھ 61 دوڑاںبنائیاں۔
تفصیل موجب بھارت دے شروع دے بلے بازاں نے اپنی واری دی شروعات بڑی عمدہ انداز وچ کیتی۔ انڈیا دی پہلی وکٹ چھیانوے دوڑاں تے سکور پرگری جد کہ اوپنر ریحانے آؤٹ ہوئے۔ بھارت دے دوجے اوپنتر گوتھم گھمبیر وی بہتی دیر تک وکٹ تے جم سکے تے بھارت دی دوجی وکٹ 102 دوڑاں تے ڈگی۔ ایہدے بعد یوراج سنگھ تے ویرات کوہلی نے مل کے انڈیا دی واری نوں سہارا دین دی کوشش کیتی۔ ویرات کوہلی صرف پندرھاں دوڑاں بنا کے ٹم برسنن دی گیند تے وکٹ کیپر دے ہتھوں آؤٹ ہو گئے۔ یوراج سنگھ تے سریش رائنا نے شاندار بیٹنگ کردے ہوئے ٹیم دا سکول اک سو اٹھانوے دوڑاں تے پہنچا دتا۔ یوراج سنگھ آؤٹ ہون والے چوتھے کھڈاری سن۔ یوراج سنگھ نے آؤٹ ہون دے بعد انڈیا دی وکٹاں دی لائن لگ گئی۔ کپتان مہندر سنگھ دھونی نے اک وار فیر انڈیا نوں جِت دی آس دوائی پر ایہناں دے آؤٹ ہون نال انگلینڈ دی جِت یقینی ہو گئی۔
ایس توں پہلے انگلیڈ نے پہلے کھیڈدے ہوئے اوپنرز ولوں اک سو اٹھاون دوڑاں دی شاندار بھائیوالی نال پنجاہ اووراں وچ چار وکٹاں دے نقصان تے 325 دوڑاں بنائیاں۔ انگلش اوپنر تے کپتان الیسٹر کک نے 75 تے اوہناں دے ساتھی ائین بیل نے 85 دوڑاں بنائیاں۔ پٹیل نے چھ چوکیاں تے اک چھکے دی مدد نال 20 گینداں تے40 دوڑاں بنائیاں۔ بھارت ولوں اشوک ڈنڈا نے دو جد کہ سریش رائنا نے اک وکٹ حاصل کیتی اک کھڈاری رن آؤٹ ہویا۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels