Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کھیڈ تے کھڈاری >> پنڈ ڈُبڻ کنارے... کملی نوں کوٹھے لپڻ دی پئی اے...؟

پنڈ ڈُبڻ کنارے... کملی نوں کوٹھے لپڻ دی پئی اے...؟

مندیپ خرمی ہمت پورہ
November 7th, 2011
5 / 5 (1 Votes)

کبڈی نوں جتھے پہلاں ٹیکا مارکا کھڈاریاں، لاہابھالو پروموٹراں ولوں 'اچا' چکڻ لئی پوری واہ ہڻ تک لائی جا چکی ہے اوتھے ہڻ کبڈی نوں شاہ رخ خان تے اوہدے نال بٹھنڈے عالمی کبڈی کپ دے افتتاح موقعے آئیاں ننگے ڈھڈاں تے ننگیاں لتاں والیاں بیبیاں توں اچا 'چکواؤڻ' لئی پنجاب سیاست دے پرمکھ دھاوی دے طور جاڻے جا رہے سکھبیر بادل کافی واہ واہ کھٹ گئے لگدے ہیڻ جیہناں نے صرف ادھے گھنٹے دے تن کروڑ شاہ رخ خان دی جھولی پا دتے۔ بے شک اس خرچے دی ادائیگی سرکار ولوں اکے پکے دتے جا رہے 5.74 کروڑ روپئے چوں ہوڻی ہے پر ایہہ وی سوچڻا بڻ دا ہے کہ صرف شاہ رخ، کترینا کیف ورگیاں نال فوٹواں کھچواؤڻ لئی ہی خرچے پیسے سرکار نے کیہڑا ہلٹ گیڑ کے کمائے سڻ؟ لوکاں ولوں، لوکاں لئی چڻی گئی سرکار 'لوکاں دی' مایا دا ایوں کھر وڈھ کرے شاید ہر کھوپڑی والا انسان اک وار ضرور سوچے گا۔ اس ورھے کبڈی عالمی کپ دوجے سال وچ پے گیا اے پر چنتک لوک اس اکالی کپ نوں اس پسو پالک دے طور لے رہے ہیڻ جو سارا دن پسوآں نال پسو ہو کے ایہی سوچدا رہندا ہے کہ شام نوں دھاراں چوء کے دودھ ڈیئری پاواں گا پر دودھ ویچ کے ملے روپئیاں دی گھر آؤڻ لگا دارو دی بوتل لے آوے۔ دودھ تے دارو دی ناں پکھوں راشی اکو ہے پر تاثیر وکھری ہے۔ اک نوں ویچ کے کجھ کمایا جا سکدا اے تے دوجی نوں خرید کے گھر لٹایا جا سکدا اے۔

حیران ہوووگے جد ایہہ جاڻوگے کہ پچھلے عالمی کپ وچ مایہ 'نویش' کرن والیاں دھراں وچوں بہتے شراب دے دھندے نال جڑیاں ہوئیاں سن جیہناں وچوں خاصہ ڈسٹلری (12.50 لکھ)، پٹیالہ ڈسٹلری (7.50 لکھ)، چنڈی گڑھ ڈسٹلری (12.50 لکھ)، پائنیئر انڈسٹریز پٹھان کوٹ (7.50 لکھ)، جگجیت انڈسٹری (7.50 لکھ)، ماؤنٹ شوالک (4.95 لکھ)، مالبروج انٹرنیشنل (7.50 لکھ)، این.وی. ڈسٹلری (1.25 لکھ) آدی سمیت ہور وی کئیاں نے سیر پایا سی۔ ہڻ سوال ایہہ پیدا ہوندا اے کہ بے شک پچھلے کپ وچ ایہناں شراب کمپنیاں دے بینر وغیرہ کدھرے نظر نہیں سن آئے پر کیہ اوہناں کاروباری لوکاں دا دماغ خراب سی؟ کہ اوہ اچانک ہی کبڈی پریم وچ گڑچ ہو کے لکھاں روپئے حصہ پا گئے؟ مالکو، مفت وچ تاں کوئی چونڈھی وی نہیں وڈھواؤندا، اوہناں نے تاں فیر وی لکھاں دے دھپھڑ پوائے سن۔ جے گھوڑے نے گھاہ نال دوستی پا لئی پھیر اوہ کیہڑا 'پارلے جی' بسکٹ کھا کے سار لؤ؟ نشیاں خلاف لوکاں نوں جاگروک کرن دیاں ڈھڈاں کھڑکا رہی اکالی سرکار دی اس مجبوری نوں ہی سمجھن وچ اک سال لگ گیا کہ کیہ وجہ سی کہ نشیاں توں دور رہ کے پنڈا تندرست رکھڻ دا ہوکا دیڻ والی کبڈی نوں 'اچا' چکڻ لئی شراب نال جڑے کاروباریاں اگے جھولی اڈڻی پئی؟ سرسری نگاہ مارو تاں پنجاب وچ سکولاں دی گڻتی نالوں ٹھیکیاں دی گڻتی ودھیرے ملے گی۔ پنجاب وچوں پہلوانی، ہاکی دا گگا پوجے جاڻ توں بعد ہڻ کبڈی ہی بچی سی پر اس نوں ہڻ ہور بلاواں دی بجائے نشیاں نے کلاوے وچ لے لیا۔ ودیشاں وچ جا کے 'جوہر' دکھاؤڻ دی لالسا وچ ہی 'موگے والے ٹیکے' پنڈ پنڈ دے کھیڈ میدان وچ پہنچ کری بیٹھے ہیڻ۔ حالات اتھوں کو تک نازک ہیڻ کہ 52-55 کلو وزنی کبڈی وی ٹیکیاں دے آسرے کھیڈی جا رہی ہے۔ اسے دوجے عالمی کپ دے ٹرائل دیڻ آئے 51 کھڈاریاں دے ناڈا ایجنسی نے 6 اکتوبر نوں پیشاب دے نمونے لئے سن۔ 13 اکتوبر تک 21 کھڈاریاں دے نتیجے نشر ہوئے سن جیہناں وچوں 10 'ٹیکاروگ' توں متاثر سن۔ ایہہ وی نہیں کہندے کہ کبڈی نوں کسے پکھوں تھڑھی رہڻ دتا جاوے پر ایہہ گل وی ضرور کہڻی بڻ دی ہے کہ ماں ماں کہہ کے وادھو دے 'ڈپھونگ' کرن نالوں جے سرکاری ایمان داری ورت کے پتراں ولوں ماں نوں لائے جا رہے نشے دے کوہڑ توں بچا لیا جاندا تاں ایہہ کاروائی اتہاس دے پنیاں تے سنہری اکھراں وچ لکھڻ ورگی ہوڻی سی بجائے بالی وڈ نچاراں نوں بٹھنڈے وچ ٹھمکے لگواؤڻ دے۔

دنیا دی کسے وی نکرے کبڈی میچ ہوندے ہیڻ تاں اوتھے صرف پنجاب توں گئے کھڈاری ہی کھیڈدے ہیڻ۔ مثال دے طور تے انگلینڈ دے کھیڈ میلیاں وچ 4-5 کو انگلینڈ دے جم پل پنجابی کھڈاریاں توں بغیر باقی سبھ پنجاب توں وکھ وکھ پروموٹراں ولوں منگوائے گئے ہوندے ہیڻ۔ صرف نکراں دے رنگ بدل جاندے ہیڻ۔ کبڈی نوں دیکھڻ آؤڻ والے وی کسے ماں کھیڈ بارے پریم کرکے گھٹ آؤندے جاپدے ہیڻ تے ایتوار نوں کھیڈ میدان وچ بوتلاں دے ڈھکڻ پٹڻ تے مرغیاں دیاں لتاں چونڈڻ ودھیرے آؤندے ہیڻ۔ قصور اوہناں دا وی نہیں سگوں کاروباری لوکاں ولوں کبڈی نوں کاروبار دے طور ورتڻ کارن لوکاں دی ذہنیت وی اجیہی بڻی ہے کہ "ٹکٹ لے کے دیکھڻ آئے آں۔ بھاویں ننگے نچیئے۔ کوڻ روکو؟" ہاکی دا عالمی کپ ہوندا اے... کیہ وکھ وکھ دیساں چوں آؤندے کھڈاری بھارتی ہوندے ہیڻ؟ فٹ بال دا عالمی کپ ہوندا اے... کیہ سارے دیساں دے کھڈاری گورے ہی ہوندے ہیڻ؟ تسیں سرسری جہے ہی نانہہ کہوگے۔ پر جے کبڈی دا عالمی کپ ہے تاں سارے کھڈاری پنجابی ہی کیوں؟ ایہہ تاں تسیں وی جاڻ دے ہو کہ جس دن ایہہ کھیڈ گوریاں جاں کالیاں دے ہتھ آ گئی اس دن پنجابی ویرو... عالمی کپ جتڻ دا سپنا بھل کے وی نہ لے بیٹھیو۔ کیونکہ اوہ لوک جس وی پاسے جاندے ہیڻ دل لا کے محنت کردے ہیڻ، لالچ توں کوہاں دور۔ پر اسیں جے کبڈی بارے وی سوچدے ہاں تاں کھڈاری، پروموٹر، سیاستدان.. گل مکاؤ سبھ دی سوچ پاسپورٹ اپر ویزیاں دی گڻتی وچ وادھا کرن جاں پھر مایا دے گپھے حاصل کرن بارے ہی سوچدے ہاں۔ اس سوچ دا پنپڻا وی دیس دے معاشی، سیاسی گندھلے پن دا نتیجہ ہے۔ جد پڑھیاں لکھیاں دی ایہناں ہی سرکاراں ولوں 'ڈانگ سیوا' ہوندی سکولاں وچ پڑھدے پڑھاکو دیکھدے ہوڻ گے تاں اوہ وی ایہی سوچدے ہوڻ گے کہ "چھڈو کالج جاڻ نوں فیر وی ڈانگاں ای پیڻ گیاں کیوں نہ دھول دھپھے کر کے مطلبَ کبڈی کھیڈ کے قسمت ازمائی کر لئی جاوے بے شک ٹیکے ہی لائے جاڻ۔" شاید ایہی وجہ سی کہ پچھلے عالمی کپ دی جیتو ٹیم نوں سرکاری نوکریاں دیڻ ویلے بہتے کھڈاری اوہ سن جیہناں نے کالج دے درشن ہی نہیں کیتے سن۔

اج چوڻاں توں 3 کو مہینے پہلاں ہو رہے کبڈی مہان کمبھ نوں دوجیاں سیاسی پارٹیاں وی بادل کیاں ولوں بائی پاس ہو کے کبڈی دے اوٹ آسرے وچ آپڻی پارٹی دا پرچار دسیا جا رہیا ہے اوتھے 1984 دے دنگیاں دے مہینے نوں یاد رکھڻ دی بجائے سارے ٹبر ولوں ساہرکھ تے ساتھنا دا ناچ دیکھڻ نوں وی نرول پنتھک صفاں وچوں پھٹکاراں پے رہیاں ہیڻ۔ صرف پنجابیاں دی ماں کھیڈ نوں ودیشی لوکاں دے روبرو کرواؤڻ لئی ہی کروڑاں روپئے خرچے گئے جدوں کہ پنجاب دی نوجوانی نوں کرت سبھیاچار نال جوڑن دی بجائے عاشقی دے ول دسڻ والے گائک گائکاواں نالوں کیہ پنجاب دے روائتی گوئیاں نوں بڻ دا مان نہیں سی دتا جا سکدا؟ جس نال اوہناں نوں کلا لئی عمر 'گالی' دا پچھتاوا وی شاید گھٹ جاڻا سی۔ کیہ شاہ رخ کترینا ورگیاں تے ماحولیاتی صفائی دا ڈھونگ رچڻ والی سرکار لئی آتشبازی تے لکھاں روپئے خرچڻا مجبوری سی؟ کیہ ایہناں پیسیاں نال پنجاب دے کبڈی لئی جوانیاں 'گال' چکے بچے کھچے سابقہ بزرگ کبڈی کھڈاریاں نوں یاد نہیں سی کیتا جا سکدا؟ اوہناں نوں بے شک 2 ہزار جاں اکونجا سو روپئے تے اک دتی ہوئی ماڻ دی لوئی وی اوہناں لئی ساری زندگی دا سرمایا بڻ جاڻے سن۔ پر راج دے ناں تے ہر کسے دی 'سیوا' دا بیڑا چکی پھردی سرکار نوں کوڻ سمجھاوے کہ ایوں نہیں انج کر؟ اک پاسے تاں سکولاں وچ استاداں دی تھوڑ دا رام رولا پئی جا رہیا ہے اتے دوجے پاسے کسے نہ کسے بے روزگار یونین ولوں روزگار منگدیاں روس وکھالا کیتا جا رہیا ہے۔ فیر کیتی جاندی ہے 'ڈانگ سیوا'۔ صوبے دے لوکاں دی جیبھ حلق نال لگی پئی ہے تے چھوٹے بادل صاب سٹیج تے ہائیڈرولک 'ڈپھونگ' نال ظاہر ہوندے ہیڻ۔ کسان خودکشیاں کر رہیا ہے اوسنوں سدا دتا جا رہیا ہے کہ آ کے کبڈی میچ دیکھے تے بھکھے ٹبر نوں کیچیاں نیاڻیاں جاں ریڈاں دیاں باتاں سڻا کے بھکھ مٹا دیوے۔ بیروزگاری دی جھمبی نوجوانی دن بدن نشیاں وچ غلطان ہو کے لٹاں کھوہاں، نشہ تسکری ورگے غیر سماجی ورتاریاں وچ الجھدی جا رہی ہے تے ساڈی صوبہ سرکار بالی وڈ کلاکاراں نوں ''پنجاب بہت امیر صوبہ ہے" دس کے کروڑاں دی بھیٹ دے رہی ہے۔ پنجاب دیاں پرمکھ سڑکاں تے سفر کرنا وی 'وکاؤ' ہو گئی اے پر پنڈاں دیاں عام سڑکاں وچ پئے ٹویاں وچ لوک مچھیاں پالڻ لئی تیار ہوئے بیٹھے ہیڻ۔ لوکاں نوں بہتر سفر سہولتاں دیڻ دے ناں تے پنجاب روڈ ویز لوکاں دی اکھاں توں دنو دن اوجھل ہو رہی ہے، لوکاں دے پتاں نوں دور دراڈے پڑھن جاڻ لئی وی بس پاس دی سہولت لگ بھگ کھوہڻ کنارے ہے تے پرائیویٹ بس مالکاں ولوں گھگی نہیں کھنگھڻ دتی جا رہی۔ سرکاری بساں غائب ہو رہیاں ہیڻ تے 'بادل سرکار' دیاں گھریلو بساں ظاہر ہوڻوں رکڻ دا ناں نہیں لے رہیاں۔ اجیہے حالاتاں وچ چھوٹے صاحب دی تجویز تے کروڑاں روپئے دے موچھے پا دیڻ نوں تاں ایہی کہیا جا سکدا اے کہ ''پنڈ ڈبڻ کنارے... کملی نوں کوٹھے لپڻ دی پئی اے۔"


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels