Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کھیڈ تے کھڈاری >> وقار یونس نے استعفیٰ دے دتا

وقار یونس نے استعفیٰ دے دتا

وچار ڈیسک
August 20th, 2011

پاکستانی قومی کرکٹ ٹیم دے کوچ وقار یونس نے اپڻے عہدے توں استعفیٰ دے دتا ہے۔ ہفتے نوں اوہناں نے دسیا پئی اوہ ذاتی کارناں پاروں اپڻیاں ذمے واریاں توں ویہلے ہورہے نیں۔

وقار یونس دا کوچ دے عہدے توں وکھ ہوڻا بے ایمانی دے اسکینڈلز توں متاثرہ پاکستانی کرکٹ بورڈ لئی اک دھکا متھیا جارہیا ہے۔ ہفتے نوں اک پریس کانفرنس نال خطاب کردیاں ہوئیاں گذریل ٹیسٹ کھڈاری وقار یونس نے کہیا '' میں پچھلے ہفتے بورڈ نوں اپڻا استعفیٰ جمع کروا دتا سی۔ زمبابوے دا دورہ کوچ دے طور تے چھیکڑلا دورہ ہووے گا''۔ انتالی سالاں دے وقار یونس پچھلے پندراں مہینیاں توں پاکستانی کرکٹ ٹیم دے کوچ نیں۔

وقار یونس موجب ایس عہدے توں وکھ ہوڻ دے پچھے کوئی پروفیشنل کارن نہیں ہے، میں ایہہ فیصلہ اپڻی ذاتی کارناں پاروں کیتا ہے، جیہدے وچ کجھ طبی مسئلے وی رلتی نیں۔ میرے کسے دے نال وی کوئی جھیڑے نہیں ہیڻ۔ بورڈ نے میرا استعفیٰ منظور کر لیا ہے۔'

وقار یونس نے مارچ سن دو ہزار دس وچ پاکستانی کرکٹ ٹیم دے کوچ دی پکھوں اپڻیاں ذمے واریاں سنبھالیاں سی۔ اوہناں دی کوچنگ وچ پاکستانی کرکٹ ٹیم نوں اسپاٹ فکسنگ دے اسکینڈل توں اڈ کئی ہور پربندھی مسئلیاں دا ساہمڻا کرنا پیا۔ پاکستان دے وڈے آل راؤنڈر شاہد آفریدی دے نال اوہناں دے جھیڑیاں نے وی میڈیا وچ واہوا توجہ پائی سی۔ انج دیاں خبراں وی آؤندیاں رہیاں جو وقار یونس پاکستانی کرکٹ ٹیم دے چیف سلیکٹر محسن حسن خان توں وی خوش نہیں ۔

پر وقار یونس نے صحافیاں نون دسیا جو اوہناں دے استعفے دا کارن کوئی جھیڑا نہیں ہے، میری اپڻی تے میری گھر والی دی طبعیت کجھ چنگی نہیں ہے۔ میں ایہہ فیصلہ نہیں کرنا چاہوندا سی پر میں ایہہ وی نہیں چاہوندا جو ذاتی مسئلیاں پاروں اپڻیاں ذمے واریاں ٹھیک طریقے نال نہ نبھا سکاں'۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels