Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کھیڈ تے کھڈاری >> آئی سی سی نے کرکٹ وچ سیاستداناں دی تقرری تے روک لا دتی

آئی سی سی نے کرکٹ وچ سیاستداناں دی تقرری تے روک لا دتی

وچار ڈیسک
June 30th, 2011

ہانگ کانگ وچ جاری آئی سی سی دا پنجاں دناں دا اجلاس اج مکا۔آئی سی سی نے کرکٹ وچ سیاسی مڈھ تے تقرری تے روک لا دتی ہے۔ اجوکی کاروائیاں دا مقصد کھیڈ نوں ہور نتارواں بڻاؤڻا ہے۔

ہانگ کانگ وچ آئی سی سی دے اجلاس دے مکڻ تے چیف ایگریکٹو ہارون لورگاٹ نے پریس کانفرنس کردیاں ہوئیاں کہیا رکن ملکاں نے بورڈ دے پردھاناں دی تقرری بارے قانوناں وچ بدلی تے ایکا کیتا ہے جیہدے پاروں نتارویاں چوڻاں دی راہ پدھری کرڻ دے نال نال کرکٹ باڈیز نوں سیاسی مداخلت توں دور رکھیا جاوے۔ ہارون لورگاٹ نے کہیا پئی گورننگ بورڈ نے سارے کرکٹ بورڈ نوں سیاسی مڈھ تے اپڻے عہدیداراں نوں لاؤڻ تے چڻڻ تے روک لا دتی ہے تے ایہہ فیصلہ کرکٹ دے کھیڈ وچ سیاسی اثر مکاؤڻ تے نتارویاں چوڻاں نوں ساہمڻے رکھدیاں ہوئیاں کیتا گیا ہے۔

سارے ممبراں دے سانجھے فیصلے دے مگروں ایس قانون نوں سارے کرکٹ بورڈز تے لازمی متھیا گیا ہے تے ایہنوں لاگو کرڻ لئی جون دو ہزار تیراں تیکر دی مہلت دتی گئی ہے۔ جے ڈیڈ لائن تیکر ایہدے تے عمل نہ ہویا تے آئی سی سی نوں ایہناں سارے بورڈاں تے ہور روکاں لاؤڻ دا حق ہووے گا۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels