Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کھیڈ تے کھڈاری >> شاہد آفریدی نوں45 لکھ روپئے جرمانہ

شاہد آفریدی نوں45 لکھ روپئے جرمانہ

وچار ڈیسک
June 17th, 2011

پاکستان کرکٹ بورڈ دی انضباطی کمیٹی نے ضابطہ اخلاق دی خلاف ورزی کرڻ تے پاکستان دے گذریل کپتان شاہد خان آفریدی نوں پنتالی لکھ روپئے جرمانہ کیتا ہے تے ہڻ کرکٹ بورڈ ہیمپشائر کاؤنٹی لئی کھیڈڻ لئی شاہد آفریدی نوں این او سی جاری کر دیوے گا۔

شاہد آفریدی نے ایس فیصلے نوں قبول لیا ہے تے اوہ کہندے نیں جو اوہ حالی پاکستان ولوں بین الاقوامی کرکٹ کھیڈڻ دا ارادہ نہیں رکھدے۔

آل راؤنڈر شاہد آفریدی جمعرات نوں لہور دے قذافی سٹیڈیم وچ کمیٹی ساہمڻے پیش ہوئے۔ اوہناں نے کمیٹی دا فیصلہ آؤن توں پہلوں ہی میڈیا نال گل بات کردیاں ہوئیاں کہیا اوہ اپنی غلطی من دے نیں پر اوہ ایہدے تے معافی نہیں منگڻ گے کیوں جو اوہ ایہہ سارا کجھ آکھڻ اتے کرڻ تے مجبور ہو گئے سی۔

سلطان راڻا دی پردھانگی وچ انضاطی کمیٹی نے شاہد آفریدی دے مقدمے دی واہوا لمی سڻوائی کیتی تے شام نوں پاکستان کرکٹ بورڈ دے قانونی مشیر تفصل رضوی نے کمیٹی دا فیصلہ پڑھ کے سڻایا۔ اوہناں کہیا پنتالی لکھ روپئے جرمانہ کرڻ دے ایس فیصلے دے کارڻ مگروں دسے جاڻ گے۔

شاہد آفریدی نے کمیٹی دے ایس اعلان توں مگروں میڈیا نال گل بات کردیاں ہوئیاں کہیا ایہہ معاملہ میڈیا وچ آیا جیہدے نال ملک دی وی بدنامی ہورہی سی۔ اوہناں نے کہیا جو انضباطی کمیٹی نے بہت چنگے طریقے نال اوہناں دی گل سڻی ہے تے ایس مسئلے نوں وی نبیڑڻ دی کوشش کیتی ہے تے اوہ ایس فیصلے تے خوش نیں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels