Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کھیڈ تے کھڈاری >> پاکستان وچ انڈین پریمیئر لیگ ورگا ٹورنامنٹ کرواؤڻ تے گوہ

پاکستان وچ انڈین پریمیئر لیگ ورگا ٹورنامنٹ کرواؤڻ تے گوہ

وچار ڈیسک
April 15th, 2011

پاکستان وچ سری لنکا دی کرکٹ ٹیم تے دھاڑے دے مگروں ملک وچ بین الاقوامی کرکٹ مک گئی ہے۔ پاکستان وچ کرکٹ نوں ودھاؤڻ لئی انڈین پریمیئر لیگ وانگوں ٹوئنٹی ٹوئنٹی مقابلے شروع کرن دا منصوبہ بڻایا جا رہیا ہے۔

کرکٹ دی دنیا وچ پاکستان ایس ویلے اوہ اکلا ملک ہے جتھے کوئی وی غیر ملکی ٹیم کھیڈڻ تے تیار نہیں ہے۔ ملک دی مندی داخلی صورتحال پاروں ہی ورلڈ کپ دی سانجھی پروہڻچاری وی پاکستان کولوں واپس لے لئی گئی سی۔ ایسے پاروں پاکستان کرکٹ تے مندا اثر پے رہیا ہے۔ پاکستان کرکٹ بورڈ سوچ وچار وچ رُجھیا ہے پئی انڈین پریمیئر لیگ وانگوں اک ٹورنامنٹ پاکستان وچ وی کروایا جاوے۔

پی سی بی دے جنرل مینجر سلطان راڻا موجب حالیں ہوڻ والے بورڈ دے اک اجلاس وچ ایس موضوع تے گل ہوئی۔ "میرے خیال وچ بورڈ انج دے مقابلے شروع کراؤڻ دا فیصلہ کر لوے گا"۔ اوہناں ہور کہیا جو ایس ٹورنامنٹ وچ غیر ملکی کھڈاریاں نوں وی سدیا جاوے۔ ایہدا اک فیدا ایہہ ہووے گا پئی پاکستان دی کرکٹ مقابلے کراؤڻ دے حوالے نال ساکھ چنگی ہووے گی تے دوجے ایہہ پئی نویاں گڻاں والے کھڈاری ساہمڻے آؤڻ گے۔ سلطان راڻا نے دسیا جو ایہہ منصوبہ حالی پہلے پڑاواں وچ ہے تے جاڻکاری اکٹھی کیتی جا رہی ہے پئی ایس ٹورنامنٹ نوں کدوں تے کیویں شروع کیتا جاوے۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels