Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کھیڈ تے کھڈاری >> چھکے مارڻ دا نواں عالمی ریکارڈ

چھکے مارڻ دا نواں عالمی ریکارڈ

وچار ڈیسک
April 12th, 2011

آسٹریلوی بلے باز شین واٹسن نے پیر نوں بنگلہ دیش دے خلاف دوجے اک روزہ بین الاقوامی میچ وچ پندراں چھکے مار کے نواں عالمی ریکارڈ بڻایا ہے۔ ایس توں پہلوں ایہہ آدر ویسٹ انڈیز دے ہاؤئیر مارشل کول سی جیہناں نے دو ہزار اٹھ وچ کینیڈا دے خلاف باراں چھکے مارے سڻ۔

شین واٹسن نے ڈھاکا وچ کھیڈے جاڻ والے ایس میچ وچ 96 وچ 185 دوڑاں بنائیاں جیہدے وچ پندراں چوکے وی رلتی سڻ۔

صحافیاں نال گلاں کردیاں ہوئیاں واٹسن نے کہیا '' ہوا بہتی سلی سی تے اک موقعے تے میں اینا تھک گیا پئی حقی ہور دوڑاں نہیں بڻاؤڻا چاہندا سی ''۔ اوہناں موجب ایہہ اوہناں لئی انج دا دیہاڑا سی جدوں ہر گیند بلے تے آؤندی ہے تے ویہلی تھاں تے سٹ دتی جاندی ہے۔

شین واٹسن دی ایس تگڑی اننگز وچ بنگالی فیلڈراں نے اوہناں دے کئی کیچ چھڈے جیہدے پاروں اوہناں نوں ہارنا پیا۔ بنگلہ دیش نے پہلوں کھیڈ دیاں ہوئیاں ستاں وکٹاں دے نقصان تے 229 دوڑاں بنائیاں سڻ تے آسٹریلیا نے ایہہ ہدف 26 اوورز وچ صرف اک کھڈاری دے نقصان تے پا لیا۔

ایس اننگز دے مگروں شین واٹسن آسٹریلیا ولوں کسے اک روزہ میچ وچ سب توں بہتے انفرادی دوڑاں بڻاؤڻ والے کھڈاری وی بڻ گئے نیں۔ ایس توں پہلوں میتھیو ہیڈن نے دو ہزار ست وچ نیوزی لینڈ دے خلاف 181 دوڑاں بنائیاں سڻ۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels