Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کھیڈ تے کھڈاری >> ہندوستان کرکٹ ٹیم پاکستان گھلڻ لئی راضی ہے: نرپما راؤ

ہندوستان کرکٹ ٹیم پاکستان گھلڻ لئی راضی ہے: نرپما راؤ

وچار ڈیسک
April 7th, 2011

ہندوستانی خارجہ سیکریٹری نرپما راؤ دا آکھڻا ہے پئی ہندوستان دی کرکٹ ٹیم پاکستان دا دورہ کرن لئی تیار ہے۔

اک ٹی وی انٹرویو وچ بھارتی سیکریٹری خارجہ دا آکھڻا سی پئی اک ایہو جہے موقعے تے جدوں دنیا دے باقی دیس آپڻی ٹیم نوں پاکستان گھلڻ وچ جھک رہے ہیڻ، ہندوستان آپڻی کرکٹ ٹیم پاکستان گھلڻ لئی راضی ہے۔

اوہناں آکھیا پئی کرکٹ دوہاں دیساں وچکار سفارتی سانگے چنگے بناؤڻ دا اک ودھیا راہ بڻ سکدی ہے۔ دوہاں دیساں دے کرکٹ پربندھیاں نوں اگے آؤڻا چاہیدا ہے۔ اوہناں آکھیا پئی ہندوستان نوں آپڻی کرکٹ ٹیم پاکستان گھلڻ وچ کوئی اوکھت نہیں ہے۔ ہندوستان نے کدے وی آپڻی ٹیم نوں پاکستان جاڻ توں نہیں روکیا اُکا سیکورٹی پاروں نانہہ کیتی گئی ہے۔

نرپما راؤ نے آکھیا پئی کرکٹ ہی اوہ راہ ہے جس نال دوہاں دیساں دے لوک نیڑے آئے ہیڻ۔ پچھلے دنیں موہالی وچ دوہاں دیساں دے وزیر اعظماں وچکار گل بات بہت لاہیوند رہی جیہدے وچ اہم فیصلے کیتے گئے۔ اوہناں آکھیا پئی ایہہ آس وی ہے پئی ہندوستانی وزیر اعظم وی چھیتی ہی پاکستان دا دورہ کرن گے اتے ایہدے لئی تیاریاں کیتیاں جا رہیاں ہیڻ۔

پچھلے مہینے پاکستان اتے ہندوستان دے وزیر اعظم موہالی وچ کرکٹ ورلڈ کپ دا سیمی فائنل دیکھڻ لئی اکٹھے ہوئے سڻ۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels