Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کھیڈ تے کھڈاری >> پاکستان ہندوستان سیمی فائنل: جذبیاں دا میچ

پاکستان ہندوستان سیمی فائنل: جذبیاں دا میچ

وچار ڈیسک
March 28th, 2011

مشہور ہندوستانی تجزیہ کار نووی کپاڈیہ نے کہیا ہے پئی موہالی کرکٹ سیمی فائنل پاکستان تے ہندوستان وچکار ویکھڻ والیاں دے جذبیاں دا میچ بڻ گیا ہے۔

وسیلیاں نال گل کردیاں ہوئیاں اوہناں کہیا ہندوستان تے پاکستان عالمی کپ کرکٹ دے سیمی فائنل دی پدھر تے اک دوجے دے خلاف کدی نہیں کھیڈے۔ 1987 وچ پاکستان تے ہندوستان نے پروہڻچاری کیتی سی تے بڑی آس سی جو عمران خان تے کپیل دیو دیاں ٹیماں فائنل وچ کھیڈڻ گیاں، پر دوویں ٹیماں سیمی فائنل وچ ہی ہار گئیاں سڻ۔

نووی کپاڈیا نے کہیا اج دوہاں ٹیماں دے حوصلے اُچے نیں تے بہت چنگے مقابلے دی آس ہے۔اوہناں کہیا موہالی، واہگہ سرحد دے کول ہی ہے ایس لئی پاکستان توں آؤڻ والے تماشائیاں لئی بہتا دور نہیں۔

فلمی دنیا دی جاڻی پچھاڻی ہستی، مہیش بھٹ دا کہڻا سی جو لگدا ہے اک نویں سویر چڑھی ہے۔ اوہناں کہیا ہفتے نوں ہی خیر سگالی دا اک ہندوستانی وفد پاکستان دے دورے توں واپس بھارت اپڑیا ہے۔ وفد دے تجربے دسدیاں ہوئیاں اوہناں کہیا دوہاں پاسے خیر سگالی دے جذبے نیں۔ اصل وچ ایہہ میچ اک پج ہے نیڑے آؤڻ دا۔ میچ اک وسیلہ ہے مقصد دا پر ایہہ آپوں کوئی مقصد نہیں ہے۔ گذریل پاکستانی ٹیسٹ کرکٹر وسیم باری نے کہیا دوستی دا ایہہ سفر کدی رکڻا نہیں چاہیدا۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels