Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کھیڈ تے کھڈاری >> ورلڈکپ کوارٹر فائنل: کیہدا جوڑ کیہدے نال پوے گا

ورلڈکپ کوارٹر فائنل: کیہدا جوڑ کیہدے نال پوے گا

وچار ڈیسک
March 21st, 2011

اتوار نوں ہندوستان دے شہر چنائی وچ ویسٹ انڈیز تے انڈیا وچکار میچ دے مگروں ٹورنامنٹ دے کواٹر فائنل مرحلے وچ کیہڑی ٹیم دا جوڑ کیہدے نال پوے گا ہڻ کھل گیا ہے۔

پہلا کوارٹر فائنل بدھ 23 مارچ نوں بنگلہ دیش دے شہر میرپور دے شہر بنگلہ کرکٹ گراؤنڈ وچ پاکستان تے ویسٹ انڈیز دے وچکار کھیڈیا جاوے گا۔ تیجا کوارٹر فائنل میچ جمعہ 23 مارچ نوں دکھڻی افریقہ تے نیوزی لینڈ وچکار میر پور وچ کھیڈیا جاوے گا۔ کواٹر فائنل دا چوتھا تے چھیکڑلا میچ سنیچر 26 مارچ نوں انگلینڈ تے سری لنکا وچکار کولمبو وچ کھیڈیا جاوے گا۔

کواٹر فائنل وچ جے ہندوستان تے پاکستان نے آپڻے مخالفاں نوں ہرا دتا تے فیر 30 مارچ نوں دوجا سیمی فائنل پاکستان تے ہندوستان وچکار موہالی وچ کھیڈیا جاوے گا۔

پہلا سیمی فائنل 29 مارچ کولمبو وچ ہووے گا جیہدے وچ انگلینڈ، دکھڻی افریقہ، سری لنکا تے نیوزی لینڈ دیاں ٹیماں وچوں دو ٹیماں رلتی ہوڻ گیاں۔

کواٹر فائنل توں فائنل تیکر سارے میچ دن تے رات نوں کھیڈے جاڻ گے۔

کواٹر فائنل وچ اپڑن والیاں 8 ٹیماں وچوں 5 ٹیماں اک یاں ایہدے توں بہتی واری ورلڈ کپ جت چکیاں نیں جدوں کہ انگلینڈ ، دکھڻی افریقہ تے نیوزی لینڈ ٹیماں کدی وی ورلڈ کپ جتڻ وچ کامیاب نہیں ہوسکیاں۔

سری لنکا دی ٹیم جیہڑی کواٹر فائنل کولمبو وچ انگلینڈ دے خلاف کھیڈ رہی ہے جت دی صورت وچ سیمی فائنل وی آپڻے ملک وچ ہی کھیڈے گی تے سیمی فائنل وچ کامیابی دی صورت وچ صرف فائنل کھیڈڻ ملک توں باہر جاوے گی۔

ورلڈ کپ دا فائنل 2 اپریل نوں ممبئی دے وینکھڈے سٹیڈیم وچ کھیڈیا جاوے گا۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels