Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کھیڈ تے کھڈاری >> کرکٹ ورلڈکپ: پاکستان آسٹریلیا نوں 4 وکٹاں توں ہرا کے گروپ چیمپئین

کرکٹ ورلڈکپ: پاکستان آسٹریلیا نوں 4 وکٹاں توں ہرا کے گروپ چیمپئین

وچار ڈیسک
March 19th, 2011

ورلڈ کپ کرکٹ گروپ اے دے اک معرکے وچ پاکستان نے آسٹریلیا دے خلاف گروپ چیمپئین بڻڻ دی جنگ جت لئی ہے۔ پاکستان کرکٹ ٹیم دی ایس کارکردگی وچ وڈا حصہ بالراں دا ہے اوہناں آسٹریلیا نوں انی سو بانوے توں مگروں سب توں گھٹ دوڑاں تے آؤٹ کیتا جدوں کہ مگروں پاکستانی بلے بازاں نے وی ایس بیڑی نوں بنھے لایا جیہدے وچ ورلڈ کپ وچ اپنا دوجا میچ کھیڈن والے بلے باز اسد شفیق دیاں چھتالی تے عمر اکمل دیاں چوتالی دوڑاں رلتی سڻ۔

اسد شفیق نے اپنے پہلے میچ وچ اٹھہتر دوڑاں بنائیاں سی۔ پاکستان لئی جت توں اڈ خوش خبری ایہہ وی ہے جو ایس میچ وچ عبدالرزاق دی بیٹنگ فارم بحال نظر آئی تے اوہناں نے بڑے ہی اعتماد نال وننگ شاٹ کھیڈیا تے پاکستان نوں متھے ہوئے اووراں توں نو اوور پہلوں ہی فتح دوائی۔ آسٹریلیا ولوں بریٹ لی دی کارکردگی سب توں چنگی رہی۔ اوہناں نے پاکستانی بلے بازاں نوں ڈرائی رکھیا تے چار کھڈاریاں نوں آؤٹ کیتا پر اوہ اپنی ٹیم نوں جتوا نہیں سکے۔ مچل جانسن تے جیسن کریجا نے اک وکٹ لئی۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels