Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کھیڈ تے کھڈاری >> راولپنڈی ایکسپریس چھیکڑلے سٹاپ دے نیڑے

راولپنڈی ایکسپریس چھیکڑلے سٹاپ دے نیڑے

وچار ڈیسک
March 18th, 2011

پاکستان دے مشہور تیز بالر شعیب اختر نے بین الاقوامی کرکٹ نوں چھڈڻ دا فیصلہ کر لیا ہے۔ اوہناں آپڻی ریٹائرمنٹ دا اعلان پریس کانفرنس وچ کر دتا ہے۔ شعیب اختر نے پاکستانی کرکٹ ٹیم دے کھڈاریاں نوں پچھلے دیہاڑے خبردار کیتا سی۔

بھرویں فارم وچ بہت تیز گیند سٹڻ والے شعیب اختر کرکٹ دنیا وچ راولپنڈی ایکسپریس دے ناں توں وی مشہور نیں۔ اوہ پاکستانی صوبہ پنجاب دے علاقے پوٹھوہار دے وڈے شہر راولپنڈی نال سانگا رکھدے نیں۔ ایسے پاروں اوہناں نوں راولپنڈی ایکسپریس دا ناں دتا گیا سی۔ شعیب اختر نے بین الاقوامی کرکٹ کیرئیر سنہ 1997 وچ شروع کیتا سی۔

آپڻی ریٹائرمنٹ دے فیصلے توں اوہناں نے ٹیم نوں خبردار کیتا سی۔ ایہدے مگروں اوہناں سری لنکا وچ ٹیم دے پربندھیاں دے نال اک پریس کانفرنس نال وی خطاب کیتا تے ایہدے وچ آپڻی ریٹائرمنٹ دا اعلان کیتا۔

سنہ 2003 دے ورلڈ کپ وچ اک سو میل دی رفتار نال گیند سٹڻ وچ کامیاب ہوئے سی۔ اوہناں دا بالنگ کرواؤڻ دا انداز بڑا نرم سی۔ اوہ فلیٹ فٹ نیں تے ایسے پاروں اوہ اسموتھ رن اپ رکھدے سی۔

پچھلے تیراں سالاں دا پروفیشنل کیرئیر ایس ورلڈ کپ دے مگروں آپڻی منزل تے اپڑ جاوے گا۔ اینے چر وچ کل 46 ٹیسٹ میچاں وچ اوہ 178 وکٹاں لیڻ وچ کامیاب رہے۔ اوہناں نے چھیکڑلا ٹیسٹ میچ بنگلور وچ سنہ 2007 وچ کھیڈیا سی ۔ اک روزہ میچاں وچ اوہناں دی وکٹاں دی گڻتی 247 ہے۔

شعیب اختر دا پروفیشنل کیرئیر کئی مسئلیاں تے جھیڑیاں نال بھریا ہے۔ روک دا شکار محمد آصف دے نال شعیب اختر وی سنہ 2006 وچ ڈوپ ٹیسٹ وچ ناکام رہے سڻ۔ ایہدے سٹے وچ دو سالاں دی روک دا وی ساہمڻا کرنا پیا سی جیہنوں مگروں اپیل دے کارن مکا دتا گیا سی۔

شعیب اختر نوں آپڻے تیراں سالاں دے کیرئیر وچ کئی واری فٹنس دے مسئلیاں دا وی ساہمڻا رہیا۔ ایسے پاروں اوہ سنہ 2007 دے ورلڈ کپ وچ رلتی نہیں سڻ۔ ایس توں اڈ اوہ کئی جھیڑیاں دا مڈھلا کردار وی سی۔ محمد آصف نوں بلا مارن دے جرم وچ اوہناں نوں 13 اک روزہ میچاں دی روک دا ساہمڻا کرنا پیا سی۔

پاکستانی میڈیا دی رپورٹ موجب اجوکے ورلڈ کپ وچ وی شعیب اختر ڈسپلن دے مسئلیاں دا شکار نیں۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels