Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کھیڈ تے کھڈاری >> کرکٹ ورلڈ کپ: دکھڻی افریقہ نے ہندوستان نوں 3 وکٹاں توں ہرا دتا

کرکٹ ورلڈ کپ: دکھڻی افریقہ نے ہندوستان نوں 3 وکٹاں توں ہرا دتا

وچار ڈیسک
March 12th, 2011

ہندوستان دے شہر ناگپور وچ کرکٹ ورلڈ کپ دے اک پھسویں مقابلے وچ دکھڻی افریقہ نے ایس ورلڈ کپ وچ فیورٹ سمجھی جاڻ والی ہندوستانی ٹیم نوں 3 وکٹاں توں ہرا دتا ہے۔

ہندوستان نے ٹاس جت کے پہلاں بلے بازی کردیاں 48.4 اووراں وچ 296 دوڑاں بڻائیاں اتے ساری ٹیم آؤٹ ہو گئی۔

میچ دا مڈھ بڑا دھڑلے والا رہیا۔ ہندوستان دے پہلے دو کھڈاری سہواگ اتے سچن ٹینڈولکر چنگیاں دوڑاں بناؤڻ وچ کامیاب رہے۔ سہواگ 73 اتے سچن ٹینڈولکر 111 دوڑاں بڻا کے آؤٹ ہوئے۔ ایہناں دوہاں مگروں کوئی وی کھڈاری ٹک نہ سکیا اتے اک اک کر کے آؤٹ ہوندے گئے۔ 9 اووراں وچ ہندوستان دے 9 کھڈاری اُکا 29 سکور بنا کے آؤٹ ہوئے۔ تیجے آؤٹ ہوڻ والے ہندوستانی بلے باز گوتم گمبھیر نے 69 دوڑاں بنائیاں۔

دکھڻی افریقہ ولوں اسٹئین نے 5 کھڈاریاں نوں آؤٹ کیتا۔ 296 دوڑاں دا پچھا کردیاں دکھڻی افریقہ دی ٹیم ہولی ہولی ٹیچے تے اکھاں گڈ کے لگی رہی اتے میچ دیاں اخیرلیاں دو گینداں رہندیاں سڻ جدوں دکھڻی افریقہ نے اخیرلے اوور وچ اُتے تھلے اک چوکا اتے اک چھکا مار کے جت نوں نیڑے کر لیا اتے دو گینداں رہندیاں سڻ جدوں تیجا چوکا مار کے دکھڻی افریقہ نے سکور پورا کر لیا۔ اخیرلے اوور وچ دکھڻی افریقہ نوں جتڻ لئی 13 دوڑاں چاہیدیاں سڻ۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels