Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کھیڈ تے کھڈاری >> کرکٹ ورلڈ کپ: ' ہندوستان وچ ات واد دا خطرہ '

کرکٹ ورلڈ کپ: ' ہندوستان وچ ات واد دا خطرہ '

وچار ڈیسک
March 11th, 2011

ہندوستان نے کرکٹ دے عالمی مقابلیاں وچ ملک وچ ات واد دے دھاڑے دا ڈر ظاہر کیتا ہے، پر نویں دلی نے ایس حوالے نال کسے اُچیچے خطرے ول اشارہ نہیں کیتا۔

خبراں دے ادارے رائٹرز نے ہندوستانی پربندھیاں دے حوالے نال دسیا پئی کرکٹ ورلڈ کپ وچ ات وادی کوئی دھاڑا مار سکدے نیں۔ بدھ نوں اک سرکاری اہلکار نے ایہہ وی کہیا جو ایس حوالے نال کوئی بہتا خطرہ نہیں ہے۔

سیکرٹری انٹرنل سیکورٹی یوکے بنسل نے دسیا ' پچھلے کجھ مہینیاں توں ات واد دے بارے بڑی جانکاری ملی ہے۔ ہندوستان مخالف لوک حالات دا فیدا چک سکدے نیں'۔

اوہناں نے دسیا ایس حوالے نال الرٹ جاری کر دتا گیا ہے۔

کرکٹ ورلڈ کپ اجکل جاری ہے تے اوہدے پروہنچار ہندوستان، سری لنکا تے بنگلہ دیش نیں۔ ایس ٹورنامنٹ دا فائنل دو اپریل نوں ہندوستانی شہر ممبئی وچ کھیڈیا جاوے گا۔

ایس توں پہلوں پاکستان وی ایہناں مقابلیاں دا رلتی پروہنچار سی پر سیکورٹی خطریاں پاروں انٹرنیشنل کرکٹ کونسل نے ایس ملک دا ناں پروہنچاراں دی فہرست چوں کڈھ دتا۔ کوئی دو سال پہلوں پاکستان دے شہر لہور وچ سری لنکا دی ٹیم تے ات واد دھاڑا وی وجا سی۔

نویں دلی پربندھیاں دا کہڻا ہے جو ملک وچ ورلڈ کپ دے مقابلیاں دے موقعے تے سیکورٹی نوں یقینی بناؤڻ لئی کاروائیاں کیتیاں گئیاں نیں۔

ہندوستان نوں 26 نومبر 2008 نوں ات واد دیاں کاروائیاں دا ساہمڻا کرنا پیا سی ، جیہناں نوں ملکی تاریخ دے سب توں مندے دھاڑیاں وچ گڻیا جاندا ہے۔ اودوں ممبئی وچ دو فائیو سٹار ہوٹلاں تے اک ریلوے اسٹیشن سڻے کئی تھاواں تے دھاڑے مارے گئے۔ دھاڑیاں دا ایہہ سلسلہ کئی گھنٹے جاری رہیا تے ایہناں وچ گھٹو گھٹ 165 جی مارے گئے۔ ہندوستانی پولیس نے اک دھاڑوی اجمل قصاب نوں جیوندیاں پھڑیا۔ ہور 9 دھاڑوی مارے گئے سی جدوں کہ قصاب سڻے ساریاں دا سانگا پاکستان نال دسیا جاندا ہے۔ ایہناں دھاڑیاں پاروں پاکستان تے ہندوستان دی آپو وچ وگڑ گئی۔


ایہناں دھاڑیاں لئی پاکستان دی کالعدم ستھ لشکر طیبہ نوں مجرم سمجھیا جاندا ہے۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels