Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کھیڈ تے کھڈاری >> منگل دا میچ پاکستان لئی اہم

منگل دا میچ پاکستان لئی اہم

وچار ڈیسک
March 7th, 2011

پاکستانی کرکٹ ٹیم ورلڈ کپ وچ آپڻا چوتھا میچ منگل نوں نیوزی لینڈ دے خلاف کینڈی دے نیڑلے پالی کیلے سٹیڈیم وچ کھیڈ رہی ہے۔ جت دی صورت وچ پاکستانی ٹیم کوارٹر فائنل تے آپڻی پکی مہر لا دیوے گی۔ پاکستانی ٹیم نے ہڻ تیکر آپڻے تنے میچ جتے نیں۔

پاکستانی ٹیم نے کینیا نوں 205 توں ہرایا۔ سری لنکا دے خلاف 11 دوڑاں توں کامیابی پائی تے کینیڈا نوں 46 دوڑاں توں ہرایا۔

ٹیم دے منیجر انتخاب عالم دا کہڻا ہے جو ٹیم دی کوشش ہے جو گروپ میچاں وچ جت دا سلسلہ جاری رکھدیاں ہوئیاں ٹاپ پوزیشن لئی جاوے تاں جو کوارٹر فائنل وچ دوجے گروپ دی نمبر چار ٹیم نال کھیڈے۔

پاکستانی ٹیم دا سب توں وڈا مسئلہ اوپننگ کر رہیا ہے۔ تناں میچاں وچ اوپنرز احمد شہزاد تے محمد حفیظ نہ صرف آپوں وڈی اننگز کھیڈڻ وچ کامیاب نہ ہو سکے سگوں اوہ ٹیم نوں وی کوئی چنگا مڈھ نہیں دے سکے۔

اک وڈے سکور تیکر اپڑن لئی پاکستانی ٹیم اک واری فیر مڈل آرڈر بلے باز مصباح الحق، یونس خان تے عمر اکمل دے آسرے تے ہی ہے۔

مصباح الحق ایس ویلے فارم وچ نیں۔ نیوزی لینڈ دے اجوکے دورے وچ اوہناں نے دو ٹیسٹ میچاں دیاں چار اننگز وچ ادھیاں سنچریاں بناؤڻ توں اڈ ون ڈے سیریز وچ وی دو ادھیاں سنچریاں بڻائیاں سی۔

مصباح الحق دا آکھڻا ہے پئی چھڑا اوہو ای نہیں سگوں دوجے بلے باز وی نیوزی لینڈ دے گیند بازاں دے نشانے تے ہوڻ گے۔ شاہد آفریدی بہت چنگا کھیڈ رہیا ہے پر دوجے کھڈاریاں نوں وی ذمیواری نال کھیڈ کے کپتان دا بھار گھٹاؤڻا پوے گا۔

دوجے پاسے نیوزی لینڈ دے کپتان ڈینیئل ویٹوری نوں وی پتہ ہے پئی دباء وچ آ کے پاکستانی بیٹنگ کھلر جاندی ہے تے اوہ کینیڈا دے خلاف پاکستان دے معمولی سکور تے آؤٹ ہوڻ نال حوصلہ پاؤندیاں ہوئیاں آپڻے بالراں نال پاکستانی بیٹنگ نوں ڈھاؤڻ دا پورا واہ لاؤڻ گے۔

نیوزی لینڈ دی بیٹنگ سپن تے ہمیش کمزور رہی ہے تے پاکستانی سپنرز بڑے فارم وچ نیں۔ شاہد آفریدی دے خلاف وڈا سکور کرنا نیوزی لینڈ دے بلے بازاں لئی سوکھا نہیں ہووے گا۔ شاہد آفریدی تناں میچاں وچ 14 وکٹاں لے چکے نیں۔ پاکستان تے نیوزی لینڈ وچکار ورلڈ کپ وچ 7 میچ کھیڈے جا چکے نیں جیہناں وچ پاکستان 6 میچاں دی جت نال اگے ہے۔

پالی کیلے دے سوہنے نویں سٹیڈیم وچ کھیڈیا جاڻ والا ایہہ پہلا ون ڈے انٹرنیشنل وی ہے۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels