Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کھیڈ تے کھڈاری >> ورلڈ کپ: پاکستان نے کینیا نوں 205 دوڑاں توں ہرا دتا

ورلڈ کپ: پاکستان نے کینیا نوں 205 دوڑاں توں ہرا دتا

وچار ڈیسک
February 23rd, 2011

کرکٹ ورلڈ کپ وچ آپڻے پہلے میچ وچ پاکستان نے کینیا نوں 205 دوڑاں توں ہرا دتا ہے۔

پاکستان نے پہلاں کھیڈدیاں ہوئیاں 50 اووراں وچ 317 دوڑاں بڻائیاں سڻ جیہدے جواب وچ کینیا دی ٹیم 34 ویں اوور وچ 112 دوڑاں بڻا کے آؤٹ ہو گئی۔

پاکستان دی بلے بازی دا مڈھ بڑا ہی بھیڑا سی۔ پہلے 10 اووراں وچ اوہدے دو کھڈاری آؤٹ ہو گئے سڻ۔ فیر کامران اکمل اتے محمد یونس نے آ کے کھیڈ نوں سانبھیا۔ کامران اکمل نے ففٹی سکور کیتی۔ ایہدے مگروں محمد یونس نے مصباح الحق دے نال رل کے کھیڈ نوں اگے توری رکھیا تے اوہناں وی ففٹی کیتی۔ فیر یونس دے آؤٹ ہوڻ مگروں عمر اکمل اتے مصباح نے کھیڈ نوں سانبھیا اتے دوہاں رل کے کینیا دے گیند بازاں نوں واہو دھوتا۔ اخیر پاکستان دی واری 317 دوڑاں اتے 7 کھڈاری آؤٹ تے مُکی۔

کینیا نے آپڻی بلے بازی نوں بڑے دھیان نال اگے توریا سی پر اوہناں دے بلے باز پاکستانی گیند بازاں اگے ریت دی کندھ ثابت ہوئے اتے ساری ٹیم 112 دے سکور تے 34 ویں اوور وچ آؤٹ ہو گئی۔ پاکستان ولوں گیند بازی کردیاں کپتان شاہد آفریدی نے 8 اووراں وچ 16 دوڑاں دے کے 5 کھڈاری آؤٹ کیتے۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels