Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کھیڈ تے کھڈاری >> ورلڈ کپ وچ ہندوستانی فلماں دا جادو پھیکا پے گیا

ورلڈ کپ وچ ہندوستانی فلماں دا جادو پھیکا پے گیا

وچار ڈیسک
February 22nd, 2011

ہندوستان وچ فلماں دا جادو ورلڈ کپ دے اگے پھکا پے گیا ہے تے آؤڻ والے دو مہینے تیکر کوئی وی وڈی فلم ریلیز نہیں ہووے گی۔ ہندوستان وچ اج کل کرکٹ دے ' بخار دی وباء ' جہی کھلری ہوئی ہے۔ جس پاسے ویکھو کرکٹ ہی کرکٹ ہے۔ لوکاں نے سینما گھراں دی تھاں اسٹیڈیم ول منہ کیتا ہویا ہے جیہدے پاروں سینمے ویران جہے ہو گئے نیں۔ لوکاں دے سواد پاروں فلم انڈسٹری دے لوکاں نے فیصلہ کیتا ہے پئی جدوں تیکر ورلڈ کپ ہے کوئی فلم ریلیز نہ کیتی جائے نہیں تاں اوہی ہووے گا جیہڑا 'ست خون معاف' دا ہویا ہے۔ لوکاں نے فلم ویکھڻ دی تھاں میچ ویکھڻ نوں ترجیح دتی۔

مرے تے سو دُرے دا کم اسکول کالجاں وچ ہوڻ والے امتحاناں نے کیتا۔ ہندوستان وچ نواں تعلیمی سیشن اپریل توں شروع ہو جاندا ہے تے مارچ دا پورا مہینہ امتحاناں وچ لنگھدا ہے۔ ایس لئی مارچ وچ فلماں نوں دوہرے نقصان توں بچاؤڻ لئی ورلڈ کپ مکڻ تیکر کوئی وی وڈی فلم ریلیز نہیں ہووے گی۔

ایس سال فروری تے مارچ وچ تئی فلماں ریلیز ہوڻیاں سی جیہڑیاں ساریاں روک دتیاں گئیاں نیں۔ پچھلے سال ایہناں دو مہینیاں وچ کوئی 30 فلماں ریلیز ہوئیاں سڻ۔ ایس مہینے تے مارچ وچ ریلیز ہوڻ والیاں فلماں وچ وڈے بجٹ تے وڈے ستاریاں والیاں فلماں وی رلتی سڻ۔

ایروز انٹرنیشنل میڈیا لمیٹڈ دے چیف فنانس آفیسر کمل جین دا کہڻا ہے جو اوہناں دے ادارے نے 18 فروری توں 2 اپریل تیکر شیڈول کیتیاں گئیاں ساریاں فلماں دی ریلیز 15 اپریل تیکر روک دتی ہے۔ اسیں کسے قسم دا رسک نہیں لیڻا چاہوندے۔

پر گویڑ موجب ہندوستان وچ ورلڈ کپ وچ فلماں نہ ویکھڻ والیاں دی در 27 فیصد توں وی بہتی ہے۔ ورلڈ کپ نال اخباراں تے الیکٹرونک میڈیا دا اشتہاری بجٹ ودھ گیا ہے۔ ہندوستان وچ جنے وی اسپورٹس چینل نیں اوہناں دی آمدڻی دوجی کیٹگری دے چینلاں توں کِتے ودھ ہو گئی ہے۔

اک گویڑ موجب ورلڈ کپ تے انڈین پریمر لیگ دے ویلے اشتہاراں توں ساڈھے ستاراں ارب روپئے دی آمدڻ ہوندی ہے۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels