Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کھیڈ تے کھڈاری >> ویلنگٹن ٹیسٹ ڈرا، پاکستان نے کیویز دے خلاف ٹیسٹ سیریز جت لئی

ویلنگٹن ٹیسٹ ڈرا، پاکستان نے کیویز دے خلاف ٹیسٹ سیریز جت لئی

وچار ڈیسک
January 19th, 2011

پاکستان تے نیوزی لینڈ وچکار ویلنگٹن ٹیسٹ ہار جت دے فیصلے دے بناء مک گیا انج پاکستان نے دوہواں میچاں دی سیریز اک صفر توں جت لئی۔ یونس خان نے 81 تے کپتان مصباح الحق نے 70 رنز ناٹ آؤٹ دی شاندار اننگز کھیڈی۔ پاکستان نے پنج سال توں مگروں کسے وی ٹیسٹ سیریز وچ کامیابی پائی ہے۔ پاکستان نے چھیکڑلی واری دو ہزار چھ وچ ویسٹ انڈیز دے خلاف ٹیسٹ سیریز جتی سی۔ پاکستان نوں ٹیسٹ میچ وچ جت لئی نیوزی لینڈ نے 274 دوڑاں دا ہدف دتا۔

پاکستانی بیٹنگ دا مڈھ ہی بہتا چنگا نہیں رکھیا گیا سی تے دن دے دوجے ہی اوور وچ پاکستان نوں پہلا نقصان چکنا پیا۔ توفیق عمر بناء کوئی رن بنائے پویلین پرت گئے۔ ٹم ساؤتھی نے اوہناں نوں آؤٹ کیتا۔ توفیق عمر دے آؤٹ ہون دے مگروں اظہر علی وی بہتا چر کریز تے نہ کھلو سکے تے دس دے سکور تے کرس مارٹن دا شکار بنے۔

پہلی اننگز وچ امپائر دے غلط فیصلے دا شکار ہون والے محمد حفیظ نے کجھ مزاحمت کیتی پر اوہ وی 32 دوڑاں بنا کے مارٹن دا شکار بنے۔ اک موقعے تے صرف 42 دوڑاں بنا کے پاکستان دے تن کھڈاری آؤٹ ہو گئے سن پر کپتان مصباح الحق تے یونس خان نے ذمے واری نال کھیڈ دیاں ہوئیاں چوتھی وکٹ دی سانجھ وچ 118 دوڑاں بنا کے ٹیم نوں اوکڑاں چوں کڈھیا۔ یونس خان نے چنگی فارم نوں جاری رکھدیاں ہوئیاں میچ وچ دوجی ففٹی پوری کیتی۔ اوہ 81 دوڑاں بنا کے چاء دے وقفے توں پہلوں چھیکڑلی گیند تے ساؤتھی دا شکار بنے۔ کپتان مصباح الحق ستر دوڑاں بنا کے ناٹ آؤٹ رہے۔ مارٹن تے ساؤتھی نے دو دو جدوں کہ کہ وینوری نے اک وکٹ لئی۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels