Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کھیڈ تے کھڈاری >> پاکستانی بالر چھا گئے، نیوزی لینڈ نوں پہلا ٹیسٹ میچ 10 وکٹاں توں ہرا دتا

پاکستانی بالر چھا گئے، نیوزی لینڈ نوں پہلا ٹیسٹ میچ 10 وکٹاں توں ہرا دتا

وچار ڈیسک
January 9th, 2011

بولراں دے ودھیا کھیڈ پاروں پاکستان نے نیوزی لینڈ نوں پہلے ٹیسٹ وچ دس وکٹاں نوں ہرا دتا۔ عبدالرحمان نوں مین آف دی میچ متھیا گیا۔ عمر گل، عبدالرحمان تے وہاب ریاض نے تن تن وکٹاں لئیاں۔ کیوی ٹیم اپنی دوجی واری وچ اک سو دس دوڑاں تے ڈھیہ گئی۔ انج پاکستان نوں میچ جتڻ لئی اُکا اُنی دوڑاں دا ہدف ملیا جیہڑا اوہنے بناء کوئی وکٹ گوائے پورا کر لیا۔

دوہاں میچاں دی سیریز وچ پاکستان اک صفر توں اگے ہے۔ نیوزی لینڈ نوں اپنی دوجی واری شروع ہوڻ توں ہی اوکڑاں دا ساہمڻا کرنا پیا تے مک کلم توں اڈ کوئی وی کھڈاری پاکستانی بولراں دا بھروسے نال مقابلہ نہ کرسکیا، مک کلم نے پینتی دوڑاں بنائیاں۔ کیوی ٹیم دیاں وکٹاں اگڑ پچھڑ ڈگدیاں رہیاں تے ساری ٹیم اک سو دس دوڑاں بڻا کے آؤٹ ہو گئی۔

ایس توں پہلوں پاکستان نے اپنی پہلی نامکمل واری 235 دوڑاں چار کھڈاری آؤٹ توں شروع کیتی۔ پاکستان نوں دن دا پہلا نقصان اودوں ہویا جدوں اسد شفیق 83 دوڑاں بنا کے کرساؤتھی دا شکار بڻے۔ عدنان دے مگروں آؤڻ والے پاکستانی بلے باز پاکستان دا پہلی واری وچ اسکور 367 تیکر اپڑاؤڻ وچ کامیاب ہوئے۔ انج پاکستان نے اپنی پہلی واری وچ نیوزی لینڈ دے خلاف بانوے دوڑاں ودھ بنا لئیاں۔ نیوزی لینڈ ولوں آرنیل نے چار، مارٹن نے تن، ساؤتھی نے دو تے نیوزی لینڈ نے اک وکٹ لئی۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels