Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کھیڈ تے کھڈاری >> وکنا نہیں چاہندا سی ایس لئی ٹیم چھڈ آیاں: ذوالقرنین حیدر

وکنا نہیں چاہندا سی ایس لئی ٹیم چھڈ آیاں: ذوالقرنین حیدر

وچار ڈیسک
November 9th, 2010

پیر دی سویرے دبئی چوں گواچن والے پاکستانی کرکٹ ٹیم دے وکٹ کیپر ذوالقرنین حیدر نے لندن چوں میڈیا نال گل کردیاں ہوئیاں کہیا میں وکنا نہیں چاہندا سی ایس لئی ٹیم چھڈ آیاں پر کسے کھڈاری تے الزام نہیں لا رہیا۔ اوہناں کہیا پئی پاکستان میری ماں ہے تے میں اپنی ماں نوں نہیں ویچ سکدا۔

اپنی ماں دے مرن دے مگروں فاقے کٹے سن تے ہن وی کٹ لواں گا۔ مینوں رب تے بھروسہ ہے۔ اوہناں دا کہنا سی جو اوہ دس نہیں سکدے کتھے نیں پر اوہناں نوں کسے نے پھڑیا نہیں۔ امیگریشن پربندھیاں نے بہت چنگا ورتاء کیتا تے وکیل کرن دی صلاح دتی۔ پر اوہناں دے کول ہوٹل دے کمرے دے دو دن دے پیسے سن۔ جیہڑے جمع کروا دتے۔ اپنے بھلک بارے کجھ نہیں آکھ سکدا وکیل کرن جوگے وی پیسے نہیں ہین۔

اوہناں کہیا بے گناہی ثابت کرنا رب دا کم ہے۔ ذوالقرنین حیدر نے کہیا اوہناں دے ٹبر نوں خطرہ ہے ایس لئی اوہ اپنے ٹبر لئی بہت پریشان نیں تے اوہناں دی سدھر ہے جو گھر والے چھیتی توں چھیتی لندن آجان۔ اوہناں حکومت نوں اپیل کیتی ہے جو اوہناں دے خاندان دی راکھی کیتی جاوے۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels