Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کھیڈ تے کھڈاری >> کھڈاریاں نوں 101 کلو دیسی گھیو انعام

کھڈاریاں نوں 101 کلو دیسی گھیو انعام

وچار ڈیسک
November 3rd, 2010

ہریانہ وچ اک اکھان ہے ''ددھ دہی دا کھانا، دیساں چوں دیس ہریانہ ' تے ایسے اکھان تے عمل کردیاں ہوئیاں ہریانہ دی ریاستی حکومت نے دولت مشرکہ کھیڈاں وچ تمغے لین والے اپنے ایتھلیٹاں نوں کار تے وڈی رقم توں اڈ اک سو اک کلو دیسی گھیو وی انعام وچ دتا ہے۔

ہریانہ دی حکومت نے سونے دے تمغے جتن والے کھڈاریاں نوں پندراں لکھ روپئے، اک لگژری کار، اک موبائیل فون تے اک سو اک کلو گھیو انعام وچ دتا ہے۔ چاندی دے تمغے جتن والیاں نوں دس لکھ روپئے، اک نکی کار تے اکونجاہ کلو گھیو دتا گیا ہے تے کانسی دا تمغہ جتن والیاں نوں پنج لکھ روپئے، اک کار تے اکی کلو گھیو دتا گیا ہے۔

ہریانہ دی ریاست دے کھڈاریاں نے کھیڈاں وچ سونے دے سولاں تے چاندی تے کانسی دے اٹھ اٹھ تمغے جتے سن۔ دولت مشترکہ کھیڈاں وچ کشتی وچ سونے دا تمغہ جتن والی گیتا دا کہنا سی جو اوہناں نوں کار ملن دی خوشی ہے میں بہت خوش آں جو مینوں تے گڈی چلاؤنی آؤندی ہے پر میری بھین بیبتا نوں نہیں آؤندی پر میں اوہنوں سکھا دیواں گی۔'

بیبتا نے کشتی دے مقابلے وچ چاندی دا تمغہ جتیا سی۔

نشانے باز گگن نارنگ نے چار سونے دے تمغے جتے سن ایس لئی اوہناں نوں سینتی لکھ روپئے ملے تے شوٹر انیسہ سعید نوں دو سونے دے تمغے جتن لئی بائی لکھ روپئے ملے۔

ایس موقعے تے ہریانہ دے وزیر اعلیٰ بھوپندر سنگھ ہڈا نے کہیا جیہڑے کھڈاری ہریانہ وچ رہ کے کم کرنا چاہندے نیں اوہناں دی خوبی موجب اوہناں نوں نوکری وی دتی جاوے گی۔

اوہناں نے ایہہ وی اعلان کیتا جو اگلے مہینے ہون والے ایشیائی کھیڈاں وچ سونے دا تمغہ جتن والے کھڈاریاں نوں پنجھی پنجھی لکھ روپئے انعام وچ دتے جان گے۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels