Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کھیڈ تے کھڈاری >> عبدالرزاق دی سینچری: پاکستان نے دوجا ون ڈے جت لیا

عبدالرزاق دی سینچری: پاکستان نے دوجا ون ڈے جت لیا

وچار ڈیسک
November 1st, 2010

دکھنی افریقہ نال ہون والے اج کرکٹ دے دوجے ون ڈے میچ وچ آل راؤنڈر دی سینچری نے پاکستان نوں میچ جتا دتا ہے۔ میچ دے اخیرلے اوور وچ پاکستان نوں جتن لئی 14 سکور چاہیدا سی جیہڑا عبدالرزاق نے دو چھکے اتے اک چوکا مار کے پورا کر دتا۔

دکھنی افریقہ دی ٹیم نے پہلاں بلے بازی کر کے 286 سکور بنائے سن۔ پاکستان نے جدوں بلے بازی چھوہی تے اوہدے پہلے پہلے بلے باز اُتے تھلے ای آؤٹ ہوندے رہے۔ میچ دے ادھ تیکر پاکستان نے اُکا 85 سکول بنائے سن اتے اوہدے چار بلے باز آؤٹ ہو گئے سن۔ چار کھڈاری آؤٹ ہون مگروں شاہد آفریدی کھیڈن آئے اتے اوہناں نے 40 گینداں تے 49 سکور بنائے اتے ففٹی توں اک سکور گھٹ تے اوہ وی آؤٹ ہو گئے۔

شاہد آفریدی مگروں عبدالرزاق نے بڑا ودھیا کھیڈیا اتے 45گینداں تے پنجاہ سکور بنا لئے۔ 45 ویں اوور وچ پاکستان دا سکور 233 تیکر اپڑ گیا سی اتے اوہدے ست کھڈراری آؤٹ ہو گئے سن۔میچ دے اخیرلے اووراں وچ عبدالرزاق نے دکھنی افریقہ دے بالراں نوں چنگا دھوتا اتے 47 واں اوور مُکن تیکر پاکستان دا سکور 268 تیکر اپڑ گیا۔ ایس توں مگروں وی اوہناں نے بالراں نوں دھونا نہیں چھڈیا اتے اخیرلے اوور وچ پاکستان نوں جتن لئی 14 سکور چاہیدے سن۔ اخیرلے اوور وچ عبدالرزاق نے دو چھکے مارے تے فیر اوور دی پنجویں گیند تے چوکا مار کے سکور پورا کر دتا۔ ایس طرحاں پاکستان نے دوجا ون ڈے میچ اک وکٹ توں جت لیا۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels