Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کھیڈ تے کھڈاری >> محمد عامر تے سلمان بٹ دیاں اپیلاں رد ہو گئیاں، معطلی برقرار رہوے گی

محمد عامر تے سلمان بٹ دیاں اپیلاں رد ہو گئیاں، معطلی برقرار رہوے گی

وچار ڈیسک
October 31st, 2010

انٹرنیشنل کرکٹ کونسل دے کوڈ آف کنڈٹ کمشنر مائیکل بیلوف نے پاکستانی کھڈاریاں دی عارضی معطلی دے خلاف اپیلاں رد کر دتیاں۔ سلمان بٹ ، محمد عامر تے محمد آصف تے کرکٹ دے بوہے بند رہن گے۔ آئی سی سی دے کوڈ آف کنڈکٹ کمشنر مائیکل بیلوف نے دوہواں کھڈاریاں دیاں اپیلاں دی سنوائی کیتی۔ دو دیہاڑے جاری رہن والی سنوائی وچ محمد عامر دے وکیل شاہد کریم، سلمان بٹ دے وکیل خالد رانجھا تے آفتاب گل نے بھرویاں دلیلاں دتیاں۔

سنوائی دے دوجے دیہارے کھڈاریاںنے وی اپنے بیان ریکارڈ کروائے۔ مائیکل بیلوف نے سنوائی دے مگروں اپنے فیصلے وچ کہیا پئی تن کھڈاری سلمان بٹ، محمد عامر تے محمد آصف دی معطلی برقرار رہوے گی۔ ہن آئی سی سی دا تن رکنی آزاد اینٹی کرپشن ٹربیونل بنایا جاوے گا جیہڑے پن چھان کرے گا، اودوں تیکر تناں کھڈاریاں تے روک لگی رہوے گی۔ انٹرنیشنل کرکٹ کونسل ولوں جاری بیان وچ کہیا گیا ہے جو مائیکل بیلوف نے سارے ثبوتاں نوں ساہمنے رکھدیاں ہوئیاں کھڈاریاں دی اپیل ردی ہے کھڈاری ایس فیصلے نوں چیلنج نہیں کرسکدے۔

سلمان بٹ دے وکیل خالد رانجھا دا کہنا ہے جو فیصلے نال بے دل ہوئے نیں، آئی سی سی دا فیصلہ ٹھیک نہیں ہے، برطانوی اخبار دی کھڈاریاں بارے رپورٹ غلط ہے ہن ٹربیونل وچ جان تے اوتھوں نیاں منگن گے۔ اوہناں دا کہنا سی جو فیصلہ آساں دے الٹ ہویا ہے۔ محمد عامر دے وکیل شاہد کریم نے کہیا سنوائی توں راضی ہین فیصلے توں نہیں۔ فیصلے دے خلاف آئی سی سی ٹربیونل وچ اپیل کرن گے۔ پاکستان کرکٹ بورڈ دے قانونی مشیر تفضل رضوی نے فیصلے تے وچار سانجھے کردیاں ہوئیاں کہیا آئی سی سی نے اپنے اختیاراں موجب فیصلہ دتا۔ آئی سی سی دا جیہڑا چھیکڑلا فیصلہ آوے گا اوہنوں چیلنج کیتا جاسکدا ہے۔ اوہناں دا کہنا سی جو کھڈاری ایس فیصلے نوں چیلنج کر سکدے نیں۔ فیصلے نوں چیلنج کرن دا وس پی سی بی نوں نہیں ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels