Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کھیڈ تے کھڈاری >> ہندوستانی کرکٹر سریش رائنا دے سٹے بازاں نال سانگے کھل گئے

ہندوستانی کرکٹر سریش رائنا دے سٹے بازاں نال سانگے کھل گئے

وچار ڈیسک
October 24th, 2010

برطانوی اخبار نے ہندوستانی کرکٹر سریش رائنا دے بک میکراں نال سانگیاں دی گل کھولی ہے۔ ہندوستانی کرکٹ بورڈ نے ایس الزام نوں غلط کہیا جدوں کہ انٹرنیشنل کرکٹ کونسل نے کوئی تبصرہ کرن توں نانہہ کر دتی۔ برطانوی اخبار دی رپورٹ موجب آئی سی سی دا یونٹ ایس گل دی پن چھان کر رہیا ہے جو ہندوستانی بورڈ ایس بارے کیوں چپ رہیا پئی سریش رائنا ایس سال سری لنکا دے دورے وچ انج دی زنانی نال ویکھے گئے جیہڑی اک غیر قانونی بک میکر دی سنگی ہے۔ ایہہ گل ہوٹل وچ لگے سی سی ٹی وی کیمریاں نال کھلی۔

سری لنکن کرکٹ بورڈ نے ایہہ فوٹیج ہندوستانی بورڈ نوں دتی سی پر ہندوستانی بورڈ دے سیکرٹری این شری نِواسن نے کوئی کاروائی کرن دی تھاں سری لنکن بورڈ توں ایہنوں واپس لین دی منگ کیتی۔ شری نواسن دا ایہو جواب آئی سی سی ولوں پن چھان دا کارن بنیا۔ آئی سی سی اینٹی کرپشن یونٹ ایس گل دی وی پن چھان کر رہیا ہے جو سری لنکن بورڈ نے پہلا رابطہ ہندوستان بورڈ نال کیوں کیتا تے قاعدے قانون موجب سدھا ساہواں آئی سی سی نوں اطلاع کیوں نہیں دتی۔

آئی سی سی دے بلارے نے پن چھان دے سوال تے کہیا پئی کرکٹ دا عالمی ادارہ کسے پن چھان تے تبصرہ نہیں کردا۔ دوجے پاسے ہندوستانی کرکٹ بورڈ دے نائب صدر راجیو شکلا نے وسیلیاں نال گل بات وچ برطانوی اخبار دی رپورٹ نوں غلط کہیا تے آکھیا پئی برطانوی میڈیا قرآن یا گیتا نہیں ہے۔ اوہناں دا کہنا ہے جو آئی سی سی یاں ہندوستانی بورڈ سریش رائنا دے خلاف کوئی پن چھان نہیں کررہے۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels