Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کھیڈ تے کھڈاری >> دولت مشترکہ کھیڈاں: ویہلے سٹیڈیم دا راز کباڑی دے کول تے کنڈوماں دا لوہڑا

دولت مشترکہ کھیڈاں: ویہلے سٹیڈیم دا راز کباڑی دے کول تے کنڈوماں دا لوہڑا

وچار ڈیسک
October 9th, 2010

دولت مشترکہ کھیڈاں دے مقابلے تے بڑے زوراں نال جاری نیں پر سٹینڈ ویہلے کیوں پئے نیں؟ اخیر انج کیوں ہے پئی ٹکٹ خریدن جان تے 'سولڈ آؤٹ ' تے میدان اپڑئیے تے لبھن نال کوئی نظر نہیں آؤندا؟

ایہہ بجھارت ساریاں نوں پریشان کر رہی سی پر راز ہن کھل گیا ہے۔ مسئلہ سیکورٹی، ٹریفک یاں بھیڑے پربندھاں دا نہیں ہے، آرگنائزنگ کمیٹی نے ٹکٹ کباڑیاں نوں ردی وچ ویچ دتے نیں!

جمعرات نوں اک صحافی دی سببیں اک کباڑی نال ملنی ہوئی جیہڑے اوہ اک بوری وچ بھر کے گھٹوگھٹ تن ہزار ٹکٹ کھڑ رہیا سی جیہناں دا مُل ڈھائی سو توں اک ہزار روپئے وچ سی۔ اوہناں وچوں کئی ٹکٹ انڈیا تے آسٹریلیا دے ہاکی میچ دے وی سن جیہناں دی بہت مانگ سی۔

منگل دے دیہاڑے آرگنائزنگ کمیٹی نے وعدہ کیتا سی پئی سٹینڈز بھرن لئی بالاں تے سماج دے ہیٹھلے میل نال سانگا رکھن والے لوکاں نوں رعایتی ٹکٹ دتے جان گے۔ گھٹو گھٹ ایہہ وعدہ اوہنے پورا کر دتا ہے!

گولڈ میڈل دے مگروں آٹو توں گھر

رینو چانو بالا نے زنانیاں دی ویٹ لفٹنگ وچ ہندوستان لئی پہلا گولڈ میڈل جتیا تے فیر ؟

فیر اوہناں نوں پنڈ جان لئی آٹو رکشا پھڑنا پیا کیوں جو کئی گھنٹے اُڈیکن دے مگروں وی اوہناں لئی ٹرانسپورٹ دا پربندھ نہیں کیتا گیا۔ پر پربندھیاں دا کہنا ہے جو چانو بالا اپنی مرضی نال اپنے ماپیاں دے نال ٹر گئیاں سن۔ ۔۔۔ بہرحال آرگنائزنگ کمیٹی دی امیج اینی خراب ہو گئی ہے جو ہن اوہناں دی کسے گل تے اعتبار نہیں ہوندا۔

ایہہ تے تہانوں چیتا ہی ہووے گا گذریل ' سپرنٹ کوئین ' پی ٹی اوشا نوں مڈھلے اکٹھ لئی سدیا تیکر نہیں گیا سی حالانکہ اوشا نے ایتھلیٹکس وچ ہندوستان لئی بین الاقوامی مقابلیاں وچ درجناں میڈل لئے سن تے ماسکو اولمپکس وچ اک سکینڈ دے سوویں حصے نال کانسی دا میڈل جتن توں چوک گئیاں سن۔

ایہدے نال اک گل تے ثابت ہوندی ہے انڈین سپورٹس وچ کسے دے نال وتکرا نہیں رکھیا جاندا !


کنڈوم دا لوہڑا

گیمز وچکار میدان تے تاں سخت مقابلے ہورہے نیں پر گیمز ولیج وچ وی کھڈاریاں دے کارنامے لوہڑا پا رہے نیں! پربندھیاں نے کھڈاریاں نوں مفت کنڈوم دین دا پربندھ کیتا سی جیہناں نوں بھرواں ورتیا جا رہیا ہے تے اطلاعواں موجب ٹائلٹ سیٹس وچ کنڈوم سٹے جان پاروں سیور دے پائپ بلاک ہو گئے نیں۔ بیجنگ اولمپکس وچ اک لکھ کنڈومز دا پربندھ کیتا گیا سی۔
اک برطانوی اخبار موجب کھڈاری کنڈوم دے ورتن دا عالمی ریکارڈ بناؤن دی کوشش کر رہے نیں!


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels