Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کھیڈ تے کھڈاری >> دولت مشترکہ کھیڈاں: ہندوستان نے جیبوں پیسہ لا کے بدنامی کھٹی

دولت مشترکہ کھیڈاں: ہندوستان نے جیبوں پیسہ لا کے بدنامی کھٹی

وچار ڈیسک
September 24th, 2010

اک آسٹریلوی اخبار نے دعویٰ کیتا ہے جو ہندوستان نے دولت مشرکہ کھیڈاں دی پروہنچاری لئی 72 ملکاں نوں اک اک لکھ ڈالر وڈھی دتی۔ اخبار ٹیلی گراف نے گل کھولی ہے جو جمیکا وچ دولت مشرکہ گیمز دی پروہنچاری دی پیشکش کردیاں ہوئیاں ہندوستانیاں نے اپنی کامیابی دی صورت وچ 72 ملکاں نوں ایتھلیٹ ٹریننگ دے منصوبیاں دے ناں تے اک اک لکھ امریکی ڈالر دین دی آفر کیتی سی۔ اخبار موجب نکے ملکاں نے ایس رقم دے بدلے چھیکڑلے مرحلے وچ کینیڈا دے شہر ہملٹن نوں ہرا دتا جیہنے دوجے ملکاں نوں ستر ستر ہزار ڈالر دین دی پیشکش کیتی سی۔

اک پاسے انگلینڈ دے ایتھلیٹس دے جان دا سلسلہ شروع ہو گیا ہے تے دوجے پاسے سارے جگ توں کھڈاریاں دی دستبرداری جاری ہے۔ جھیڑیاں وچ گھرے میگا ایونٹ وچ رلت لئی انگلینڈ دے دستے دا پہلا حصہ نویں دہلی لئی ٹر گیا جیہدے وچ بائی کھڈاری رلتی نیں۔ نویں دلی وچ ڈینگی وائرس پاروں نیوزی لینڈ دے اک تے برطانیہ دے چار سائیکلسٹ نے کامن ویلتھ گیمز وچ نہ جان دا اعلان کر دتا ہے۔ کیوی سائیکلسٹ گریگ ہنڈرسن تے برطانیہ دے گیرائنٹ ٹامس، پیٹر کیناں، این اسٹینارڈ تے بین سؤیفٹ نے گیمز وچ رلت توں نانہہ کر دتی۔

اک برطانوی اخبار نے نویں دہلی وچ بن دے ہوئے کامن ویلتھ گیمز دے اسپورٹس ویلیج دیاں تصویراں چھاپ کے سارے جگ نوں حیران تے ہندوستان نوں شرمندہ کر دتا ہے۔ انگلش اخبار ڈیلی میل نے جمعے نوں اپنے اخبار وچ جیہڑیاں تصویراں وکھائیاں نیں اوہناں وچ صاف نظر آرہیا ہے جو کھڈاریاں دے رہن دی تھاں بہت گندی ہے تے اوتھے جانوراں دے ہون دی دس وی پیندی ہے۔ گند دے نال نال اساری دا کم پورا نہ ہون نے سارے جگ ساہمنے ہندوستان دا سر شرم نال نیواں کر دتا ہے ایہناں حالاں نوں ویکھدیاں ہوئیاں سارے جگ چوں کئی ایتھلیٹس کامن ویلتھ گیمز نوں چھڈن دا اعلان کر رہے نیں۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels