Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کھیڈ تے کھڈاری >> ہندوستان دے نگونے پربندھ: دولت مشرکہ ولوں سرکار دی نکھیدی

ہندوستان دے نگونے پربندھ: دولت مشرکہ ولوں سرکار دی نکھیدی

وچار ڈیسک
September 21st, 2010

اگلے مہینے ہندوستان وچ ہون والیاں کامن ویلتھ گیمز خطرے وچ پے گئیاں۔ کامن ویلتھ گیمز فیڈریشن نے نویں دہلی وچ بنی ایتھلیٹیس ویلیچ دی کرڑی نکھیدی کردیاں ہوئیاں حکومت تے زور دتا ہے پئی اوہناں نوں چنگا بنایا جاوے۔ ہندوستان دے دارالحکومت نویں دلی وچ اگلے مہینے ہون والے کامن ویلتھ گیمز دی مسلسل نکھیدی ہورہی ہے کدی سیکورٹی دے خطرے تے کدی مالی بے ایمانیاں پر کامن ویلتھ گیمز فیڈریشن دے صدر دی ایتھلیٹس ویلچ دی غیر معیاری سوکھتاں دی نکھیدی دے مگروں میگا ایونٹ دا رکھنا خطرے وچ پے گیا ہے۔

نویں دہلی وچ موجود کامن ویلتھ گیمز فیڈریشن دے صدر مائیکل فینیل نے ہندوستانی سرکار نوں اک چٹھی راہیں خبردار کیتا ہے جے ویلیج دیاں سوکھتاں چنگیاں نہ بنائیاں گئیاں تے ایہدے نتیجیاں دی ذمے واری حکومت تے ہووے گی۔ کیوی پربندھیاں نے ایتھلیٹس ولیج دے دورے توں مگروں ایہنوں غیر معیاری تے صحت لئی نقصان دہ آکھیا ہے۔ نیوزی لینڈ دستے دے چیف ڈی مشن ڈیوڈ کری نے کہیا جے ہندوستانی حکومت نے کھڈاریاں دے رہن دیاں سوکھتاں نوں چنگا نہ کیتا تے کامن ویلتھ گیمز وی منسوخ ہوسکدیاں نیں۔ دوجے پاسے کیوی وزیر اعظم جان کی نے کہیا اکلی کیوی ٹی کامن ویلتھ گیمز توں ہتھ نہیں کھچے گی۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels