Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کھیڈ تے کھڈاری >> پاکستان نے چوتھا ون ڈے میچ جت کے سیریز برابر کر دتی

پاکستان نے چوتھا ون ڈے میچ جت کے سیریز برابر کر دتی

وچار ڈیسک
September 21st, 2010

انگلینڈ وچ لارڈز دے کرکٹ گراؤنڈ وچ ون ڈے سیریز دے چوتھے میچ وچ پاکستان نے انگلینڈ نوں 38 سکوراں توں ہرا کے سیریز دو دو نال برابر کر دتی ہے۔

ٹاس جت کے پہلاں بلے بازی کردیاں پاکستانی ٹیم نے 265 سکور بنائے۔ پاکستان دی پہلی وکٹ 62 سکور تے ڈگی جدوں کامران اکمل کیچ آؤٹ ہوئے۔ کامران اکمل نے 32 گینداں تے چار چوکیاں اتے اک چھکے نال 28 سکور بنائے اتے سٹورٹ براڈ دی گیند تے سٹراس ہتھوں کیچ آؤٹ ہوئے۔

انگلینڈ دے سپنر گریم سوان نے اپنے پہلے ای اوور وچ اسد شفیق نوں بولڈ کر دتا۔ اسد نے اُکا گیاراں سکور بنائے۔ سوان نے اپنے اگلے اوور وچ محمد یوسف نوں وی آؤٹ کر دتا۔ یوسف نے اُکا تن سکور بنائے۔

مین آف دی میچ بنن والے عبدالرزاق نے 20 گینداں تے اک چھکے اتے 8 چوکیاں نال 44 سکور بنائے۔ اوہناں دی ودھیا بلے بازی کارن پاکستان نے آخری دو اووراں وچ 42 سکور بنائے۔ پاکستان ولوں اک واری فیر عمر گل سب توں کامیاب بالر رہے۔ اوہناں نے 32 سکور دے کے چار کھڈاری آؤٹ کیتے۔ عمر گل نے اوول وچ کھیڈے جان والے تیجے میچ وچ انگلینڈ دے 6 کھڈاریاں نون آؤٹ کر کے پاکستان نوں جتوایا سی۔

پاکستانی بالراں وچوں شعیب اختر نے 3 اتے سعید اجمل نے 2 کھڈاریاں نوں آؤٹ کیتا۔ انگلینڈ دے پہلے پہلے بلے بازاں نے ودھیاں مڈھ بنھیا پر مگروں آؤن والے کھڈاری ایس ودھیاں مڈھ دا کوئی لابھ نہ لے سکے۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels