Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کھیڈ تے کھڈاری >> پاکستانی کھڈاریاں نے مظہر مجید کولوں پیسے لینا من لیا

پاکستانی کھڈاریاں نے مظہر مجید کولوں پیسے لینا من لیا

وچار ڈیسک
September 4th, 2010

پاکستانی کھڈاری من گئے ہین پئی اوہناں نے مظہر مجید کولوں پیسے لئے سن۔ پاکستان کرکٹ بورڈ دے قانونی صلاح کار تفضل رضوی دا آکھنا ہے پئی مظہر مجید کھڈاریاں دا ایجنٹ سی تے کھڈاریاں نوں رقم ملن دا ایہہ مطلب نہیں پئی اوہ مجرم ہین۔ کھڈاریاں نوں سپانسرشپ لئی وی پیسہ ملدا ہے۔

میڈیا نال گل کردیاں تفضل رضوی نے آکھیا پئی کھڈاری اپنی مرضی نال پن چھان لئی گئے سن اوہناں نے سدیا نہیں گیا سی، اوہناں کولوں جو کجھ وی پچھیا گیا اوہدا جواب اوہناں نے دے دتا۔

اوہناں آکھیا پئی کھڈاریاں نوں سپانسر شپ دے پیسے وی ملدے ہین، کھڈاری کئی اداریاں دے کپڑے ورتدے ہین، کئی اکٹھاں وچ رلتی ہوندے ہین جیہدے اوہناں نوں پیسے ملدے ہین۔

پی سی بی دے قانونی صلاح کار نے دسیا پئی کھڈاریاں دا آکھنا ہے پئی اوہناں نوں نہیں پتہ سی پئی مظہر مجید کوئی غیر قانونی کم کردا ہے۔ کھڈاریاں دے ایجنٹ نال جیہڑی گل بات مُکی سی اوہ اوہناں نے پن چھان وچ کھول دتی۔ اوہناں دسیا پئی کھڈاریاں نوں عارضی طور تے معطل کیتا گیا ہے اتے اوہناں نوں اپنے اپنے ولوں جواب داخل کرنا پوے گا۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels