Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کھیڈ تے کھڈاری >> میں تے کہواں گا کھڈاریاں نوں پھسایا گیا : واجد شمس الحسن

میں تے کہواں گا کھڈاریاں نوں پھسایا گیا : واجد شمس الحسن

وچار ڈیسک
September 2nd, 2010
5 / 5 (1 Votes)

برطانیہ وچ پاکستان دے ہائی کمشنر واجد شمس الحسن نے کہیا ہے جو پاکستان کرکٹ ٹیم دے جیہڑے کھڈاری اجوکے سکینڈل وچ ' رلتی ' آکھے گئے نیں آپوں اوہناں نوں اوہناں دی درخواست تے انگلینڈ دے دورے دے رہندے میچاں چوں کڈھیا گیا ہے۔

اوہناں آکھیا مینوں پک ہے پئی کھڈاری بے گناہ نیں۔ ایس سلسلے وچ پہلوں توں پن چھان ہورہی ہے۔ اجوکے الزاماں پاروں تناں کھڈاریاں دی ذہنی حالت اینے جوگی نہیں جو رہندے میچ کھیڈ سکن۔

جدوں اوہناں نوں پچھیا گیا پئی کیہ سلمان بٹ، محمد آصف تے محمد عامر نوں پھسایا گیا ہے تے واجد شمس الحسن دا جواب سی ہاں۔ پر اخبار نیوز آف دی ورلڈ جیہنے ایس سکینڈل نوں چھاپیا سی اوہناں دا کہنا سی پئی ' اسیں انج دے مخولی الزاماں دا جواب نہیں دیاں گے۔'

اک سوال دے جواب وچ واجد شمس الحسن نے کہیا قانون کہندا ہے جدوں تیکر کھڈاریاں تے الزام ثابت نہیں ہو جاندے اوہ بے قصور منے جان گے۔ جدوں اوہناں نوں پچھیا گیا پئی کیہ اوہناں اوہ تصویراں ویکھیاں نیں جیہڑیاں کھڈاریاں تے الزاماں دے ثبوت دے طور تے وکھائیاں گئیاں تے اوہناں فیر کوئی جواب نہیں دتا۔

کھڈاریاں تے الزام لگن دے مگروں ایہہ پہلا موقع ہے پئی پربندھیاں توں اڈ سرکاری طور تے کسے ہور پدھر توں کھڈاریاں دی بے گناہی دی گل کیتی گئی ہووے یاں اوہناں نوں بچایا گیا ہووے۔ واجد شمس الحسن نے وار وار کھڈاریاں تے الزاماں بارے سوالاں تے ایہو کہیا پئی جدوں تیکر پن چھان نہیں ہوندی کھڈاری بے گناہ منے جان گے۔

اک سوال تے اوہناں کہیا پچھوکڑ وچ انگلینڈ وچ ہی ایئن بوتھم ولوں کجھ الزام لائے گئے سن جیہناں نوں عمران خان نے عدالت وچ چیلنج کیتا سی تے عمران ایہہ مقدمہ جت گئے سن۔ اوہناں کہیا سلمان عامر تے آصف پاکستانی شہری نیں تے اوہناں نوں تحفظ دینا پاکستانی سفارت خانے دی ذمے واری ہے۔

ایس توں پہلوں پاکستانی کرکٹ ٹیم دے منیجر یاور سعید نے کہیا سی پئی ٹیم دے اوہ تن کھڈاری جیہناں تے جوئے دے الزام نیں انگلینڈ دے خلاف اجوکی سیریز نہیں کھیڈن گے۔ پر اوہناں کہیا تناں کھڈاریاں نوں معطل نہیں کیتا گیا۔



Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels