Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کھیڈ تے کھڈاری >> میچ فکسنگ الزام ، انگلش میڈیا دا پلان ہوسکدا ہے

میچ فکسنگ الزام ، انگلش میڈیا دا پلان ہوسکدا ہے

وچار ڈیسک
August 30th, 2010

نیوز آف دی ورلڈ سٹوریاں آپوں سٹیج کرن وچ بہت ہی ماہر گنیا جاندا ہے تے کہیا ایہہ جاندا ہے پئی کوئی وی سٹوری Build کرن لئی ایس اخبار دے کجھ رپورٹراں نوں ڈیڈھ لکھ پاؤنڈ تیکر خرچ کرن دی اجازت ہوندی ہے۔ اجوکی سٹوری وچ وی رپورٹر نے میچ فکسنگ کرن والے نوں رقم دتی تے فیر پھسوا دتا، ظاہر وچ ایس سٹوری وچ رقم میچ فکس کرن والے کولوں نکلی۔ پر اوہ کھڈاریاں نال رابطیاں وچ سی ایہہ بالکل ہوسکدا ہے پئی صرف کھڈاریاں نال رابطیاں دا فائدہ چکدیاں ہوئیاں اظہر مجید نے رپورٹر نال سازش کیتی ہووے تے نو بال والی سٹوری مگروں گھڑی گئی ہووے۔

انج برطانوی میڈیا دا پاکستانی کھڈاریاں نوں بدنام کرن دا ایجنڈا پورا ہو گیا۔ ایس ساری گل دے ڈانڈے سلمان بٹ دے برطانوی ٹیم بارے بیان نال ملدے نیں جیہدے وچ اوہناں نے ایشینز سیریز وچ آسٹریلیا نوں فیورٹ متھیا سی۔ جیہدے جواب وچ برطانوی ٹیم دے کوچ اینڈی فلاور بہت کاوڑ وچ آگئے سن۔ ہوسکدا ہے اوہناں نے ہی میڈیا وچ گل دا جواب میڈیا نوں اک سٹوری لئی ٹپ دے کے کیتا ہووے، جتھوں رپورٹر نے اوہناں دی ٹپ نال کجھ کم آپوں کیتا تے کجھ کم اوہنوں کیتا ہویا مل گیا اتے انج رپورٹر دے تیز ذہن نے اک پورا پلان تیار کر لیا۔ سٹوری اودوں تے ٹھیک ہوسکدی سی جے اوہ نو بال ہون توں پہلوں وی کسے نوں اعتماد وچ لے چکیا ہوندا سارا کجھ ہون دے مگروں ساہمنے آیا جیہڑی اصلی واپری یعنی پیسے برآمد ہون نوں اتفاقی واپری یعنی نو بال ہون دے نال جوڑ کے اک حیران کر دین والی سٹوری بنا لئی گئی ہووے۔

دو ہزار چھ پاک انگلینڈ سیریز وی بال ٹمپرنگ معاملے تے مکی سی جیہدے مگروں کپتان انضمام الحق نے ٹیم گراؤنڈ وچ کھڑن توں انکار کر دتا سی تے انگلینڈ نوں میچ وچ فاتح متھ دتا گیا سی۔ نکھیدی کرن والیاں دا خیال ہے جو ایہہ وی ہو سکدا ہے پئی ہن انگلش میڈیا نے ٹیسٹ سیریز وچ کامیابی توں مگروں اک روزہ ٹی ٹونٹی مقابلیاں لئی مضبوط پاکستانی ٹیم نوں نفسیاتی دبا وچ لیاؤن لئی ہتھکنڈے ورت رہیا ہووے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels