Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کھیڈ تے کھڈاری >> شاہد آفریدی نے پربندھیاں نوں پہلوں ہی اظہر مجید بارے دس دتا سی

شاہد آفریدی نے پربندھیاں نوں پہلوں ہی اظہر مجید بارے دس دتا سی

وچار ڈیسک
August 30th, 2010

وسیلیاں نے دعویٰ کیتا ہے جو پاکستان دی ون ڈے تے ٹی ٹوئنٹی دے کپتان شاہد خان آفریدی نے مینجمنٹ نوں کھڈاریاں دے اظہر مجید تے مظہر مجید نال سانگیاں بارے خبردار کیتا سی۔ ٹیم مینجمنٹ دے وسیلیاں نے دسیا پئی آسٹریلیا دے خلاف سیریز دے پہلے ٹیسٹ وچ دوہواں بھراواں اظہر مجید تے مظہر مجید دا پاکستانی کھڈاریاں نال پابندی نال ملنا ملوؤنا سی کیوں جو اوہ کھڈاریاں دے ایجنٹ بنے ہوئے سن۔

وسیلیاں موجب شاہد آفریدی نے ٹیم مینجمنٹ نوں شکایت کیتی تے مینجمنٹ نے فیصلہ کیتا پئی کسے کھڈاری دا ایجنٹ کھڈاریاں دے کمرے وچ نہیں آوے گا۔ جیہدے تے شاہد آفریدی نے وی اپنے ایجنٹ نوں دبئی گھل دتا۔ وسیلیاں موجب مظہر مجید تے اظہر مجید دا آؤنا جانا نہ رکیا تے شاہد آفریدی نے ٹیسٹ کرکٹ توں ریٹائرمنٹ لینا چنگا جانیا۔

وسیلیاں دعویٰ کیتا ہے جو اظہر مجید تے مظہر مجید نوں ٹیم ہوٹل وچ موجود سیکورتی نے روکن دی کوشش کیتی تے وکٹ کیپر کامران اکمل نے سیکورٹی اہلکاراں نوں جھاڑ دتا تے کہیا ایہہ اوہناں دے بیلی نیں۔ وسیلیاں نے ایتھوں تیکر دسیا پئی اظہر مجید تے مظہر مجید نے رلتی کھڈاریاں دے اکاؤنٹ سوئس بینک وچ وی کھلوائے ہوئے نیں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels