Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کھیڈ تے کھڈاری >> کرکٹ ٹیم تے اک واری فیر جوئے دا الزام

کرکٹ ٹیم تے اک واری فیر جوئے دا الزام

وچار ڈیسک
August 29th, 2010

اک برطانوی اخبار وچ پاکستان اتے انگلینڈ دیاں ٹیماں وچکار ٹیسٹ میچ تے جوا کھیڈن دی رپورٹ ساہمنے آؤن مگروں اسکارٹ لینڈ یارڈ پولیس نے پن چھان چھوہ لئی ہے تے پاکستانی کھڈاریاں کولوں پچھ پرتیت کیتی جا رہی ہے۔ اسکاٹ لینڈ نے جوا کھیڈن وچ رلتی 7 کھڈاریاں کولوں پاسپورٹ منگ لئے ہین۔

اسکاٹ لینڈ یارڈ پولیس نے سینٹرل لندن دے علاقے وچ اوس ہوٹل تے چھاپہ ماریا جتھے پاکستانی کھڈاری رہ رہے ہین۔ پولیس نے کھڈاریاں دے کمریاں دی تلاشی لئی تے رقم، موبائل فون، لیپ ٹاپ اتے ہور نک سُک اپنے قبضے وچ کر لیا۔ کھڈاریاں کولوں پچھ پرتیت کیتی گئی تے ہوٹل وچ جوئے دے وچ رلتی اک مظہر مجید ناں دے بندے نوں پھڑیا ہے۔

واپری مگروں برطانیہ وچ پاکستانی ہائی کمیشن واجد شمس الحسن نے اسکاٹ لینڈ نال رابطہ کیتا ہے۔ برطانوی پولیس نے ایس وقوعے بارے آئی سی سی اتے پی سی بی نوں خبر دے دتی ہے۔ پاکستان کرکٹ ٹیم دے منیجر یاور سعید نے دسیا پئی پاکستانی ٹیم دے کسے کھڈاری نوں گرفتار نہیں کیتا گیا تے اج میچ اپنے متھے ہوئے ویلے تے کھیڈیا جاوے گا۔ اوہناں آکھیا پئی اوہ پولیس نال رابطے وچ ہین اتے اوہناں دے سوالاں دے جواب دے رہے ہین۔ ایس واپری دا اج نتارا ہو جاوے گا۔

آئی سی سی دا آکھنا ہے پئی پاکستانی ٹیم دا کوئی پربندھی یاں کھڈاری گرفتار نہیں ہویا پر اک ہور بندے نوں پھڑیا ہے۔ قومی اسمبلی دی کھیڈاں بارے قائمہ کمیٹی دے چیئرمین اقبال محمد علی خان نے میڈیا نال گل کردیاں آکھیا پئی پاکستانی کھڈاریاں نے ملک دی بدنامی کروائی ہے، جوئے وچ رلتی کھڈاریاں دے ساری عمر لئی کھیڈن تے روک لائی جاوے۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels