Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کھیڈ تے کھڈاری >> 15 ورھیاں وچ پہلی واری آسٹریلیا دے خلاف ٹیسٹ میچ وچ پاکستان دی جت

15 ورھیاں وچ پہلی واری آسٹریلیا دے خلاف ٹیسٹ میچ وچ پاکستان دی جت

وچار ڈیسک
July 25th, 2010

پاکستان نے اج 15 ورھیاں مگروں پہلی واری آسٹریلیا نوں ٹیسٹ کرکٹ میچ وچ ہرا دتا ۔ لیڈز ٹیسٹ وچ پاکستان نے 3 وکٹاں نال آسٹریلیا نوں ہرایا اتے سیریز اک ایک نال برابر کر دتی۔

لیڈز وچ ہون والے میچ دے اخیرلے دیہاڑے پاکستان نوں جتن لئی 40 سکور چاہیدا سی تے 7وکٹاں باقی سن۔ اظہر علی اپنے کیریئر دی پہلی ادھی سینچری پوری کردیاں ای آؤٹ ہو گئے، اس توں مگروں چھیتی ای ہلفاس نے عمر اکمل نوں وی آؤٹ کر دتا، انج پاکستان دے جتن وچ 5 وکٹاں اتے 30 سکور باقی رہ گیا۔

گیاراں سکور بنا کے شعیب ملک وی آؤٹ ہو گیا تے ساری ذمے واری کامران اکمل سر آ گئی۔ اوہنے محمد عامر دے نال رل کے ٹیم نوں جت دے نیڑے تے کر دتا پر جتن توں 1 سکور پہلاں کامران اکمل وی آؤٹ ہو گیا۔ عمر گل نے ایہہ اک سکور پورا کر کے پاکستان نوں جتا دتا۔

ایس طرحاں پاکستانی ٹیم نے پندراں ورھیاں مگروں اخیر آسٹریلیا نوں ٹیسٹ میچ ہرا دتا۔ محمد عامر اتے شین واٹسن نوں سانجھیاں مین آف دی میچ متھیا گیا۔ ٹیم دے نویں کپتان سلمان بٹ نے آکھیا پئی اوہ ایس جت نوں پاکستانی قوم دے ناں لاؤندے ہین، کپتانی دا مڈھ جت نال رکھنا خوش قسمتی ہے۔ اوہناں آکھیا پئی سارے کھڈاریاں نے جتن لئی پوری جان ماری تے ہن انگلینڈ دے خلاف وی ودھیا کھیڈن دا جتن کراں گے۔

لیڈز ٹیسٹ وچ جتن تے صدر زرداری، وزیر اعظم گیلانی، گورنر سندھ عشرت العباد، پنجاب دے وزیر اعلیٰ شہباز شریف، خیبر پختونخواہ دے وزیر اعلیٰ امیر حیدر ہوتی اتے تحریک انصاف دے چیئرمین عمران خان نے پاکستانی ٹیم، کپتان سلمان بٹ اتے اچیچا ساری قوم نوں ودھائیاں دتیاں ہین۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels