Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاواں تے کلاکار >> توپ وچ کھونسلے بناون والیاں دے ناں

توپ وچ کھونسلے بناون والیاں دے ناں

September 8th, 2017

توپ وچ کھونسلے بناون والیاں دے ناں
’’لائی کھیس تے کھچی دری جانا ایں
ایہہ کیہہ کری جانا ایں، ایہہ کیہہ کری جانا ایں‘‘
توپ وچ کھونسلہ بنا کے توں، شوہدیا
امن دے سفنے دا مذاق توں اڈانا ایں
توپ جداں چلے گی
تیرا کیہہ بنے گا؟
سوچ ذرا رک کے
مذاق کدے نال ہے؟
کھونسلے وچ وسن والے لوکاں دا سوال ہے
آن والی نسلاں نوں، برباد کری جانا ایں
تیرا ایہہ خیال ہے، توں بڑا سیانا ایں
ٹینک دے جسّے توں، دنیا نوں ڈرانا ایں
توپ وچ ٹھکانہ، سب توں محفوظ جے
جے چلی توپ، نکلنا فلوس ایں
’’لائی کھیس تے کھچی دری جانا ایں
ایہہ کیہہ کری جانا ایں، ایہہ کیہہ کری جانا ایں‘‘
ٹھکانہ ایہہ خراب ایں
وڈا سراب ایں
توپ نوں چھڈ کے
باغے وچ آجا
پھلاں تے رکھاں وچ
مڑ توں سماں جا


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels