Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاواں تے کلاکار >> پورا بندہ کوئ کوئ ہوندا اے

پورا بندہ کوئ کوئ ہوندا اے

خالد حسین تھتھال
May 11th, 2017
5 / 5 (4 Votes)

 

بندہ سارا اوہ نہیں ہوندا

جیہڑا سانوں نظریں آؤندا اے

بندہ گجھا وی ہوندا اے

جیہڑا نظریں نہیں وی آؤندا

نہ ای بندہ ٹردا پھردا کار ویہار

تے کھیکھن کردا پاتر اے اک

بندہ تے اک جہان وی ہوندا اے

جیوں جزیرہ یا سمندر

یا زیویں اسمان وی ہوندااے

بندہ ساہمنے بیٹھا ہووے

 

سارا اوہ موجود نہیں ہوندا

جو اوہ دسدا اے اوہ نہیں ہوندا

بندے نے تے سوچاں تے وی

چھاڑ چڑھاۓ ہوندے نیں

نہ ای اوہنوں دیکھن والا

آپوں اوتھے حاضرہوندا اے

نہ ای اوہنوں سارے نوں

اوہ دیکھنا چاہندا اے

 

بندہ اپنے قد بت نال ای

نکا وڈا نہیں ہوندا

نہ ای اپنی دکھ نال ہوندا اے

‎‎‎نہ ای منہ متھےنال ہوندا اے

نہ ای رتبے زیویں بھانڈے

پیسے پونجی نال ہوندا اے

 

 

بندہ کبندہ وی ہوندا اے

بندہ بندہ نہیں وی ہوندا

بندہ سادھ پیغمبر وی

بندہ ای شیطان وی ہوندا اے

بندہ پشوں درندہ وی

بندہ ای انسان وی ہوندا اے

 

بندہ ڈھب ورتب نال ہوندا اے

سوچ وسب تے چج ہوندا اے   

بندہ سانجھ سیر نال ہوندا اے

 بندہ اپنی گل نال ہوندا اے

اپنے کرم عمل نال ہوندا اے         

اپنی میں نوں مار کے بندہ

بندیا‏ئ دے نیڑے آؤندا اے

بندہ اپنے آپ دا ای نہیں

بندہ لوکاں دا وی ہوندا اے

بندہ سارے جہان دا ہوندا اے

بندہ جہان نوں اپنا جانے

اپنے آپ نوں جہان دا سمجھے

تاں فیر بندہ بندہ بن دا اے

 

بندہ اک بجھارت ہوندا اے

پورا بندہ کوئ کوئ ہوندا اے

بندہ ہووے نہ وی ہووے

بندہ پورا ہو جاندا اے

 

 

 


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels