Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاواں تے کلاکار >> جیون جوبن رُت بہار‎

جیون جوبن رُت بہار‎

خالد حسین تھتھال
April 18th, 2017
5 / 5 (1 Votes)

   

جیون جوبن رُت  بہار‍

جوبن لُوں لُوں وچ خمار

تھل بریتے بیلے دریا

جیون پربت ساگر

جیون چھپر، کُلی جُھگی  

منھے منڈپ ماڑی محل

سوکے سئیاں لؤاں کانگاں

جھکھڑ گڑے مینہہ پھوار

جیون جوبن رت  بہار

جوبن لوں لوں وچ خمار  

 

جیون اپنا آپ ملاحظہ

اپنا آپ اُدھیڑن سیون

تن من اندے پاون

مُڑ مُڑمجھوواہ وچوں کڈھ کے

بیڑی دندے لاون

گھاٹے وادھے مار! 

جیون جوبن رُت  بہار

جوبن لوں لوں وچ خمار

 

اپنی مٹی آپے گو کے

چاک چڑھا کے، بھٹھی تا  کے

آپے اپنا آپ پکا کے

آپوں چا کے

لیا‎ؤنا وچ بزار

جیون جوبن رُت  بہار

جوبن لوں لوں وچ خمار

 

جیون دُکھ سُکھ چنتے چاء

وین واجے ‎شگن سنبھال

جیون گھڑی گھڑی بھچال

جیون مستی مدھ دھمال

لے لگن دی وجے تار

جیون جوبن رت  بہار

جوبن لوں لوں وچ خمار

 

جیون میل مکا‎ؤنی میلے

موج مہماں مانگھے

وختاں ویہنیں ڈبنا ترنا

ورتن بھاجی مرنا پرنا

اپنی آپ گھڑولی بھرنی

اپنا رانجھا راضی کرنا

کجہہ وس وچ کجہہ وسوں باہر

جیون جوبن رُت  بہار

جوبن لوں لوں وچ خمار


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels