Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاواں تے کلاکار >> پنج درداں دا پانی (شاعری)

پنج درداں دا پانی (شاعری)

محمود اعوان
February 6th, 2017

میں کِکّرتوں رُکھ پھُلاہی
توں ٹاہلی میں بالن
توں ویڑھے دا تتّا چُلھا
میں جھُگی دا سالن

توں حرفاں داجادو ٹونا
میں ادھ سُتی اکھ
توں دھرتی دا پہلا بوہا
میں مٹی تے ککھ

توں سورج داکلا چھیڑو
میں راتاں دا ہانی
توں ویلے دی سِدھی گِنتی
میں ان لِکھی بانی

مینڈی اکھیں اندر ڈُبدا
تاراڈریا ڈریا
تینڈے سینے اندرٹُردا
دِن جوانی بھریا

توں ویلے دی یاری ما نیں
سجناں دی مِزمانی
میں پردیساں اندر رو گدا
پنج درداں دا پانی
محمود اعوان ہوری پنجابی دے سیوک تے لکھاری نیں۔انگریزی وچ وی لکھدے نیں۔ انہاں دی ایہہ شاعری نویں چھپن والی کتاب’’سیجل‘‘ وچوں انہاں وچار لئی گھلی ہے۔ایہہ کتاب نیو لائن پبلشر ولوں اگلے مہینے مارکیٹ آئے گی۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels