Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاواں تے کلاکار >> سینما وچ پنجابی دا حصہ۔ ڈاکٹراشتیاق احمد۔۔(لڑی2 )

سینما وچ پنجابی دا حصہ۔ ڈاکٹراشتیاق احمد۔۔(لڑی2 )

ا نگریزی توں ترجمہ:زبیر احمد
December 10th, 2016

برطانوی راج سمے ہندوستان وچ جد فلماں لوکاں لئی اک نویں ڈھنگ دا دل پرچاوا بنیاں،کالونی گیراں ایس گل دا پکا اُپا کیتا پئی ہندوستانی سینما چلدی آزادی لہر بارے اُکا کوئی وچار نہ دیوے۔جد کہ دوجے بنیّ،متھہاس(میتھالوجی) اتے کالونی گیری توں اگدوں دے وار قصّے چلن دتے۔عام پکھوں ہندوستانی سینما نے مُنڈے کُڑی دی کہانی چلائی جیہڑی اک جگ دُھمیا وشے اے۔اسیں جذباتی لوک آں تے فلم دے ہیرواں تے ہیروئناں دے بہت چاہیوان آں۔نالے اُردو تے ہندی شاعری دُکانت(ٹریجڈی) اُتے ودھدی پُھلدی اے اتے ایس دا مطلب اے گیت خُشی یاں درد نوں تے پریم کاراں دے اُتار چڑھا نوں مُکھ رکھدے نیں،جد اوہ پھیر مل جاندے نیں جاں ہور دُکانت وچھوڑا پے جاندا اے۔میں ہندوستان دے سینما نوں دیس دُھمی رہتل تے دل پرچاوے دا اٹٹ نشان سمجھدا آں،جس نے مُڑ ویلے وچ کئی شکلاں بنائیاں تے جس دے کارن سیاسی تے معاشی سن۔ کجھ بہوں گُنی لکھاریاں تے شاعراں نے ،جیہناں وچوں چوکھے اگانہہ ودھو لہر دے رلّتی سن تے کجھ جو مہان رومانچک سن،فلم نال رزق پاروں جُڑے۔ایس اوس رہتل اُتے بہوں نرملتا دا اثر پایا جو فلم دی صعنت وچ اُسری۔ایس لئی پوند توں ہی سینما فِرقُو بھائی والی دی صلُح کُل تے سُوجھ دا واہن بن گیا۔ہندو،مسلمان،سکھ،عیسائی،یہودی اتے پارسی اک انیک ٹابری تے رہتلی لوک بھاونا وچ جُڑ بیٹھے۔
بہرحال ساریاں فلمی صعنتاں نوں قومی متّے نوں مُکھ رکھنا پوندا سی بھاویں اوہ خودمختیاری وی رکھدیاں سن۔ایس لئی بھاویں اک رلویں، کھلارویں تے سیکولر لوک بھاونا دا ریاستی قوم پوجا سینما اُتے اثر پاندا سی۔جد وی ہندوستان تے پاکستان کسے ٹکّر جاں ویرتا ول ودھدے نیں،سوڑھے قومی تے جنگی موضوع فلماں وچ آ جاندے نیں۔ شُکر اے ایہہ کُراہے پینا بھٹکن ای رہندا اے کیوں جے ایہہ پیش آندے ڈراویاں دا پرتاوا ای ہوندا اے۔ ایس لئی چھیتی ای شیواں اپنے پچھلے سبھا ول پرت جاندیاں نیں تے فلمی بھائی والی مُڑ اوہناں امر مسلیاں ول آ جاندی جیہڑی پیار دے سپھل ہوون جاں نہ ہوون دی کھوج کردی اے۔ایس وچ کوئی شک نہیں سینما گھمبیر سماجی مسلیاں نال نجھٹدا اے تے روشن خیالی دے ورتارے تے حل دسدا اے۔
ایس کھیتر وچ پنجابیاں تے بنگالیاں نے جو اُچیچا سیر پایا اے اوس نوں دھیان گوچرا رکھن دی لوڑ اے۔۔۔۔جس نوں ہن مشہوری پکھوں بالی وُڈ آکھیا جاندا اے جو ونڈ توں پہلاں(1947) وچ فلمی صعنت دا مرکز تے تخت بن چُکیا سی۔خورے ایہہ حقیقیت ہووے پئی دویں صوبیاں نوں اجے دریا دان ہوئے نیں جیہناں دیاں نال لگدیاں ندیاں نے تیز وپار تے آواجاوی نوں ہتھ ونڈایا اے، بدلدے درشَ دی ونگو ونگ پچھوکڑ نے تے بیڑی ٹابریاں نے لوکائی دے چترکاراں دی اُلیل نوں ہلونیا اے۔ ایس گل توں کون انکار کر سکدا اے پئی ڈنیوب دریا نے چڑھدے تے مرکزی یورپ وچ مہان سنگیت بناون وچ جو کم پایا اے۔ایہو گل دریا نیل تے وولگابارے سچی اے۔ ہور تے ہور گنگا جمنا دی وادی وی اپنے رومانس تے شاعری لئی مشہور اے۔پنجاب دے معاملے وچ، ایس دے جنوبی تے لہندے دے تھلاں دا وادھو رومانس تے سُہنپ اے جتھے سنگیت ٹُنب لیندا اے تے ریشماں دی واج جس دی چنگی ونگی اے۔بندہ کُھلے پکھوں کہہ سکدا اے گاؤن تے سنگیت اک اجیہے آل دوال وچ پُنگردا اے جو رُکیا تے اکیویں والا نہیں ہوندا۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels