Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاواں تے کلاکار >> ’’فن طبلہ نوازی‘‘تے اُستاد واجد علی ہوراں دا لیکچر

’’فن طبلہ نوازی‘‘تے اُستاد واجد علی ہوراں دا لیکچر

وچار ڈیسک
December 1st, 2016

’’لوک سنگت‘‘ دے پربندھ ہیٹھ اج ’’فن طبلہ نوازی‘‘ تے اُستاد واجد علی ہوراں نے پاک ٹی ہائوس وچ لیکچر دتا۔
اوہناں طبلے دے تواریخ بارے جانکاری دیندے ہوئے آکھیا کہ طبلے دی ایجاد 1707ء دی ہے تے ایہہ پکھاوج دے اگلی شکل ہے۔ اوہناں طبلے دے گھرانیاں، دلی گھرانیاں دے نال نال پنجابی گھرانیاں دی وی گل بات کیتی۔
لے تے تال بارے وی بھرویں جانکاری دیندے ہوئے اوہناں ماتریاں نال طبلہ وجا کے وی وکھایا۔ اُستاد ہوراں دا آکھنا اے کہ سولو تے سنگت دو طبلے دے وکھو وکھ انگ نیں۔ سولو پرفارمنس کرن والے جی مُک رہے نیں تے سنگتی ای زیادہ رہ گئے نیں۔ اوہناںدا کہنا سی طبلے دا کوئی روشن مستقبل نہیں ایہہ کلا مُک رہی اے اُستاد وی بہت گھٹ نیں تے نہ ای کوئی سرکاری سرپرستی کیتی جا رہی اے۔
’’لوک سنگت‘‘ نے ہر مہینے دی اک جمعرات نوں فنون لطیفہ دے ہر انگ تے اک اکٹھ کرن دا جتن کیتا اے۔
پہلا لیکچر فوٹو گرافی تے سی اتے دوجا لیکچر اخباری کارٹون تے سی جیہدے تے صابر نذر ہوراں اپنا لیکچر دتا سی۔
اج دا ایس لڑی دا تیجا لیکچر سی۔ اُستاد واجد ہوراں فن طلبہ نوازی تے اک بھرویں جانکاری دتی۔ بعد وچ رلتیاں نے سوال جواب وی کیتے۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels